الخميس، 30 يونيو، 2011

اخر العنقود



زى ما بيقولو دايما اخر العنقود .. سكر معقود
دى اخر تدوينه ليا فى شهر يونيو
كل الناس لما بدأت الحمله
اول تدوينه كتبوها
كانت كلها بتتلخص فى موضوع مهم
احنا هنكتب ايه طول شهر بحاله
هنجيب منين مواضيع نكتبها طول الشهر
وهنكتب امتى وهنلاقى وقت ولا لا
وناس انسحبت بعد كام يوم وناس كتبت يوم ويوم لا
انا بقى عايزه اكتب فى اخر يوم ليا فى حمله دوّن
الف شكر لريهام مقترحه الحمله وصاحبه الايفنت
شكرا لكل المدونين اللى شاركونى برأيهم
شكرا لكل الناس اللى قرتلى واهتمت وتابعت واستنت معاد التدوينه
شكرا لكل حد عجبه كلامى او انتقدنى علشان يوصلنى للاحسن
انا بدأت اكتب من سنه ونص بس
بس النهارده انا حاسه انى بكتب من زماااااان اوى
مبسوطه بانغماسى فى عالم التدوين
اتعلمت حاجات كتير اوى
ولسه بتعلم اكتر
مدونتى هتنزل مسابقه
مشروع كتاب المائه تدوينه
وهاختار تلات تدوينات ليا  وانزلهم فى المسابقه
وهيتم التصويت على كل التدوينات
حبيت فى اخر تدوينه ليا  اتكلم عن الحمله والشهر كله
يارب دايما متجمعين فى التدوين
:)

هناك 8 تعليقات:

تاكاشى يقول...

ينفع كدا

انا كنت هاعمل التدوينه دى كدا بحذافيرها بكرة :D
مضطر آسفا بقى اعملها كوبي وبيست عندى بدل ماكتبها من اول وجديد :p

انا بجد سعيد جدا بالحمله الجميله دى اللى عرفتني على ناس جميله بجد ومدونات تعرفنا اد ايه شباب مصر دمااااغ

زعلان ان الحمله خلصت ولو مؤقتا واتمنى طبعا نعيدها تانى قريب اوى ولو انى مش عارف هاكتب فيها ايه تانى :D

اسعدنى المرور هنا

تحياااااتي

غير معرف يقول...

Eman karkora
احساس آخر يوم فى الدراسة آخر يوم رمضان آخر يوم فى رحلة أو مصيف

Bent Men ElZaman Da !! يقول...

كان بجد شهر جميل اوووى
مبسوطه بحمله التدوين اللى خلتنى اعرف عن طريقها مدونتك
عشان فعلا كتاباتك جميله اوى
فعلا كان فى الاول الموضوع محير الواحد هيكتب ايه طول الشهر بس مع الوقت بقت المواضيع بتطلع متنوعه ومختلفه
ربنا يوفقك فى مشروع كتاب ال 100 تدوينه
ومبسوطه انى عرفت مدونتك :)

غير معرف يقول...

كل مسابقه وانت طيبه والله اتعودنا عليكى كل يوم كده حتقطعى بينا يلى
فاطمه

غير معرف يقول...

كان شهر جميل وفعلا اتعودنا على تدويناتك كل يوم
موفقة دايما بإذن الله
أماني

أحسن تـستاهـل يقول...

يجعل عجلة التدوين دايرة قادر يا كريم.. ويجعله عااااااااامر بكتاباتنا :) ومعرفتنا ببعض كمان

******************

مها ميهوووو

لبنى أحمد نور يقول...

كل شهر تدوين يومي وانتي طيبة :)

كمان لايك لتعليق مها ميهو.. :))

سبايدرمان يقول...

كل شهر و انتي طيبه
و ان شاء الله تستمري دائما في الكتابه اليوميه