الجمعة، 17 يونيو 2011

رائحه الطفوله



ميس سهام
مدرستى فى الحضانه
حضانه ما قبل المدرسه
حين كان عمرى وقتها 5 سنوات تقريبا
كانت ميس سهام  طويله ..
جميله ..
 نشيطه .. 
مبتسمه دائما
كانت تسير بخطوات ثابته .. مرحه  ..
مخلفه ورائها رائحه مميزه
هى رائحه عطرها
كنت وقتها لا احمل سوى البراءه ..
الطفوله المغلفه بالسذاجه ..
 الحلم المطلق  ..
حب كل العالم وكل الناس
كانت ميس سهام تستقبلنا بحفاوه عند بدء اليوم
تعطينا جرعه الحب لليوم كله
وتصنع لنا بايديها فراشات وورود من الورق
كنا نتصارع للحصول على مكافئه ميس سهام
عندما نجيد قراءه الحروف او نقوم بالعد بطريقه صحيحه
او نرسم رسومات جديده
او نقوم بتسميع بعض ايات السور الصغيره من القرآن التى حفظتنا اياها
مكافئتها كانت عباره عن حضن كبير بابتسامه رائعه وقطعه حلوى
ونتسابق من سيفوز بحضن ميس سهام اليوم
كثيرا ما كنت انال هذه المكافئه وما كان يشغلنى قطعه الحلوى ابدا
كبرت .. وتركت الحضانه ولكنى ما زلت اقابل ميس سهام ولكن صدفه
هى ايضا تتذكرنى جيدا .. فقد كنت انا صاحبه اغرب اسئله
ميس ميس .. هو انتى عندك اولاد
انا لسه مش متجوزه ياحبيبتى
طيب هتتجوزى امتى
تضحك.. واضحك انا ..على ضحكتها
وتضمنى اليها بحنان .. مع دفىء عطرها
مرت سنين كثيره جدا
كنت ارى فى بدايتهم ميس سهام صدفه
لكنى الان لا اراها  
فقط اشم رائحه عطرها فألتفت .. ولا أجدها

هناك 9 تعليقات:

غير معرف يقول...

على فكرة كده مينفعش
هوه كل يوم كده بقى ولا اييييه
كل ما تكتبي حاجة تعيشينا فالمود بتاعها
يعني انا اعمل ايه دلوقتي ........ مليش دعوة انا عايزة حضن وحاجة حلوة من ميس سهام
ههههههههههههههه جميلة يا سارة
ربنا يوفقك دايما يا رب
أماني القبية

ساره جمعه يقول...

والله يا منمن انا بفرح اوى لما اعرف ان اللى انا كاتباه بيخليكو تعيشو فيه كده
هجيبلك انا االحاجه الحلوه واديكى الحضن
تسلميلى يا منمن
:)

Mahmoud Ahmed يقول...

حلو الاحساس بالرجوع للطفوله
:)

غير معرف يقول...

ممكن سؤال ياترى عرفتى نوع العطر بتاعها ايه ؟
هههههههههه جميله والله ياسوسو الى الامام
بلبله

Bent Men ElZman Da !! يقول...

فى حاجات مميزه فى طفولتنا بتعلق فى الذاكره ومش بتتنسى :))
جميله اوى يا ساره :)

ساره جمعه يقول...

حلو جدا يا سبايدر :)
ايون يا بلبله اسمه سيكريه
:)
فعلا يا بنوته فى حاجات مش بتتنسى
انتى اجمل :)

غير معرف يقول...

بفى انت كنتى بتفرحى بالحضن ولا بالحلوى يانصابه هههههههههههههه جميله ياساره كوكى

غير معرف يقول...

جميله يا ساره على فكره انا بشوف ميس سهام كتير حبقى اسلم للك عليها
فاطمه

غير معرف يقول...

كنت وقتها لا احمل سوى البراءه ..هههههههه يا سارة ما انتي لسه بريئة

شكرا كتييييير يا سارة حلو حلو حلو

خالد