الأربعاء، 29 يونيو 2011

خالد سعيد بكره يا يعيش يا يموت



بكره جلسه النطق بالحكم فى قضيه مقتل خالد سعيد
مات بقاله سنه وشهر تقريبا ولسه متحكمش على اللى قتلوه 

 خالد كان فتيل الثوره
وكان سبب كبير جدا فاللى حصل
كان القشه اللى قسمت ظهرنا كلنا
نزلنا وقفات كتير علشان نطالب بحقه وحق كل حد اتظلم من الشرطه 

وقانون الطوارىء والقرف اللى كان مالى البلد
ومع حاجات كتيييير تانيه
حتى بعد الثوره وبعد ما قلنا خلاص كل حاجه هتبقى صح
والحق هيرجع لصحابه 

لقينا برضه ان الحق بيتاخد من صحابه
يعنى ايه قاتل يتساب حر
يعنى ايه واحد ضيع حياه شباب كتير يعيش كده من غير اى مشاكل
يعنى ايه قضيه قتل تتأجل سنه
يعنى ايه
القضاء المفروض انه اعدل حاجه بتجيب للناس حقوقها 

لما يبقى فيه الاستهتار الرهيب ده  يبقى ايه 
الشهدا اللى ماتو فى الثوره
فين اللى قتلهم ... فين اللى امر بقتلهم ...بيصيف فين ولا هرب على انهى بلد
المصابين الكتير جدا جدا ... عايشين بيتعذبو .. واللى عمل فيهم كده عايش حياته
احنا عايزين الحق والعدل
مينفعش نسكت على الحق والعدل واحنا نقدر نجيبهم
لان ربنا هيحاسبنا
مينفعش اللى قتلو خالد سعيد يطلعو براءه
مينفعش




هناك 4 تعليقات:

Bent Men ElZman Da !! يقول...

ان شاء الله ربنا يظهر الحق
ويرجعله حقه
ويرجعلنا احنا كمان حقوقنا

Mahmoud Ahmed يقول...

القضيه اتاجلت لشهر 9 مش عارف هيتحكم فيها امتي
:(

غير معرف يقول...

من بعد ما شفت مش قادر اتكلم

محمد عادل يقول...

فين الشباااااااااااااب