الجمعة، 24 يونيو، 2011

قطن اسود



ساعات الواحد مبيبقاش عارف هو بيعمل ايه
وساعات بيبقى عارف هو بيعمل ايه ورايح فين
وساعات بيبقى عارف انه رايح فى حته غلط ومع ذلك بيكمل
لما تجيب قطن ابيض نضيف
وتحطه جنب مدخنه عماله تطلع هباب وزفت 

ما هو طبيعى القطن هيبقى اسود
وتبقى اهبل معلش يعنى لو تخيلت انه هيفضل ابيض
المشكله دلوقتى فيك انت 

انت اللى جيت وحطيت القطن ولا هو راح لوحده
ده المكان الطبيعى للهباب .. 

هو اه احيانا كتير بيكون الهباب نتيجه لتصنيع حاجه مفيده
بس انت متروحش لمكان التخلص من عوادم تصنيع الحاجه المفيده 

وتبقى عاوز تستفيد
اكيد مش هيحصل
انت اللى غلطان
كان لازم تاخد بالك ومتحطش القطن فى مكان زى ده
وحتى لو مقدرتش تعمل كده ورحت وحطيت القطن
مينفعش تشوفه لونه بيتغير وتسيبه
لازم تشيله قبل ما يبقى اسود
وميبقاش ليه اى لازمه ولا اى قيمه
لان قيمته فيه وهو ابيض
-----------------------------
يارب حد يفهمنى

هناك 9 تعليقات:

زوووو يقول...

فهماكى
حلوة جدا وعميقة وحقيقية اوى
زووو

اسكندرانيه يقول...

الحمد لله انك فاهمانى
انتى احلى
:)

غير معرف يقول...

ما هو ده برضو من غباء الإنسان ومعاندته للطبيعة السلسة إللي خلقه بيها ربنا زي ما اتكلمتي في تدوينة قبل كده
بس لو كان القطن ليه رجلين ..
ما علينا.. متهيألي القطن لما يتغسل كويس بيبيض تاني
صح ولا ايه؟؟

الحلم العربي يقول...

برافو عليكي
المشكلة بقى اننا مش بندرك حقيقة ان الهباب ممكن يلوث القطن غير بعد ما القطن يبقى اسود بالفعل
لكن فعلا القطن بعد الغسيل ممكن يبقى احسن لما يعرف انه ماينفعش يبقى جنب الهباب تاني عمره ما هيروح في منطقة فيها هباب مرة اخرى
و بردو لازم يحصل له كده ولو على الاقل مرة لأن الدني مليانة هباب و القطن مايعرفش المهم انه لازم ياخد باله كويس قوي بعد كده

غير معرف يقول...

Eman karkora
كويس إن الإنسان يعرف يفرق الأبيض من الاسود وماتخطلتش عليه الألوان ومعنى كده إن فطرته زى القطن

أنا المصرى يقول...

صياح الرمزيه
وصلت

دعاء مواجهات يقول...

نعم كل الأشياء السيئه فى هذا العالم نحن من نقوم بها بأيدينا مع سبق الإصرار والترصد ثم نتجاهل كل افعالنا

تحياتى لقلمك

غير معرف يقول...

متهيئلى ان القطن لو اسود من بره لكن لو فتحتيه من جوه هاتلاقيه لسه ابيض يعنى البيئه ممكن تغير من بره بس لكن الاصل بيبقى موجود جميله ياساره
بلبله

غير معرف يقول...

المهم انك تعرفى الناس صح من الاول يعنى همه القطن الابيض ولاالمدخنه كوكى