الثلاثاء، 21 يونيو، 2011

الإراده الكونيه وغباء الانسان




ساعات نلاقى حد بيقول لحد تانى
ده انت ربنا بعتك ليا فى الوقت المناسب
حسب دراسه علميه تقريبا
او حتى مش دراسه انا مش فاكره 
 بس هو كلام منطقى جدا بصراحه
ان الناس بتدخل فى حياه الناس  لتلات اسباب 
ياإما بيكونو   FOR A REASON  يعنى لسبب
ياإما بيكونو     FOR A SEASON  لموسم او فتره
ياإما بيكونو   FOR A LIFE TIME   طول العمر
يعنى فى ناس ممكن تدخل حياتك لسبب
ربنا ممكن يبعتلك حد يساعدك فى حاجه معينه مكنتش عارف تعملها
او تبقى فى ازمه وحد يقف جنبك ويساعدك عالخروج من الازمه دى
مينفعش انت ساعتها بمخك الصغير تحول وجوده ل
SEASON  يعنى لوقت اطول
مينفعش اللى موجود لسبب فى حياتنا نبقى عاوزين نخليه شويه زياده
ولما يخلصو الشويه الزياده نبقى عاوزينه اكتر
ما هو ممكن ناس تظهر فى حياتك فى فتره معينه فى عمرك
شهرين تلاته او سنه سنتين  مش اكتر من كده
برضه بيبقى ليها سبب وليهم دور  بس مده وجودهم فى حياتك اطول
ودول برضه مينفعش نحاول نخليهم غصب عنهم وعننا
فى منطقه ال LIFE TIME
ودى المنطقه اللى بيبقى موجود الناس اللى زى اهلك واولادك وبعض أصحابك
ناس موجوده طول حياتها معاك
مينفعش نحاول نغير الاراده الكونيه
 لاننا ساعتها بنعمل خلل فى الطبيعه البشريه 
 بيضرنا احنا فى الاخر
زى بالظبط لما بنت وشاب يعرفو بعض
 ويحبو فى قصه حب ويبقو ان ريلاشن شيب مع بعض
وفى الاخر ميتجوزوش
اصل ربنا كاتب من قبل ما نتولد مين الشخص اللى اى حد هيتجوزه
لما كل الناس بقت بتحاول تغير الاراده الكونيه
وبقينا نعند مع قدر ربنا
وكل حد ياخد حاجه بتاعه حد تانى
 والبنت دى ترتبط بالولد اللى فى الاخر مكتوب لواحده تانيه
والولد ده يرتبط ب تلاتين بنت قبل ما يتجوز
كل ده بيبوظ النظام اللى ربنا خلقه
وبيخلى  الحاجات الصح تبقى ابعد
يعنى احنا السبب فى الكوارث اللى احنا فيها
من الاخر ..
كل القرف اللى احنا فيه سببه احنا
علشان بنحاول نغير المشيئه اللى ربنا كاتبهلنا
لازم نثق فى مشيئه ربنا
ونثق ان فيها الخير لينا
 لازم نثق فى قدره واختيار ربنا
وبعدها نثق فى نفسنا 

كلاكيت تانى مره .. شكر خاص لرشا انور  :)


الفيديو ده تحفه يستحق المشاهده 
http://www.youtube.com/watch?v=bLltt5cPDOc

هناك 11 تعليقًا:

Rasha Anwar يقول...

:))

اسكندرانيه يقول...

:))

Rasha Anwar يقول...

شوفي ده كمان
http://www.youtube.com/watch?v=bLltt5cPDOc

غير معرف يقول...

بجد كلام فالجون يا سارة
والعند ده بيظهر فحاجات كتير مش بس في العلاقات مع الناس لكن كمان في سلوكياتنا و افكارنا وتعاملاتنا مع بعض
زي ما نكون نسينا الصح او متجاهلينه عشان احنا شايفين ان اللي بنعمله هوه الصح حتى لو من جوانا عارفين انه غلط بس بنقاوح لحد ما باظت الدنيا وكترت المشاكل
بجد بحييكي يا سارة عالكلام الحقيقي اوي ده
وبضم صوتي لصوتك وباشكر رشا صاحبتك بضو لتاني مرة
أماني

غير معرف يقول...

حلو الكلام ياساره بس المهم التنفيذ كوكى

غير معرف يقول...

الانسان بيتمسك بالناس اللى بيحبهم اوقات ده بيكون غباء ولكن لا يمكن ان يكون ضد الاراده الكونيه
فاطمه

غير معرف يقول...

Eman karkora
قليل من الناس اللى بيسلم كل أموره لربنا ومبيعاندش مع نفسه ومع الدنيا وربنا بيقول فى القرآن العظيم
"ظهر الفساد في البر والبحر بما كسبت ايدي الناس ليذيقهم بعض الذي عملوا لعلهم يرجعون‏"(‏ الروم‏:41)

Bent Men ElZaman Da !! يقول...

كلام منطقى اووى فعلا
ربنا كاتبلنا كل حاجه من قبل ما نتولد
مانقدرش احنا نغير اللى مكتوبلنا ده
كل حاجه فى حياتنا لسبب مش بس الاشخاص

غير معرف يقول...

والله كلام ميه ميه وانا معاكى لانى اكتر واحده عرفت ناس for season وده طبعا بحكم تنقلى الدائم بس فعلا ساعات بافتكر ناس قابلتهم واثرو فيا
بلبله

EL pRiNcEssA يقول...

جميلة جميلة بشكل
والصورة معبرة جدا
جدا
علي فكرة احنا حتي اما بناخد حاجة ونفتكر انها مش بتاعتنا
بيكون ربنا برضه باعتهلنا عشان نتعلم منها
يعني اللي مكتوب هنشوفه
بس احنا نبقي راضيين ومبسوطين

خالد نور يقول...

مواااافقة
:)