الاثنين، 6 يونيو، 2011

بين السما والارض -- تدوينه من معاميق احساساتى --

عالقه  انا بين السماء والارض
كلما حاولت لمس السماء بحجه انها حدودى التى دائما انتمى اليها
اقع ولكن لا المس الارض فانا لا اعرف اين احط اغراضى بها
 فلم اجد حتى الان مكانا لى عليها
اظل معلقه هكذا
لا سماء تضمنى ولا ارض تؤوينى
اشعر انهم يرفضانى
ربما لأنى كرهتهم بدونك .. فكرهونى .. ورفضونى
نسمات الهواء التى تسعد البشر فى الحر الشديد
هى بالنسبه لى ليست نسمات عاديه
هى التى تغير حياتى
تنقلنى من مكان لاخر
وليس لى عليها اى سيطره
اشعر انى فراشه ضعيفه  ولكن بلا اجنحه
تحركنى الرياح كيفما تشاء
لو توقفت الرياح عن تحريكى سأموت
فقد احترقت اجنحتى بالقرب منك
فآثرت الرحيل
لكى لا احترق كليا
فأنت وهج تضىء حولك
بشده حتى الاحتراق
ولكن بداخلك مظلم
بين السماء والارض
اجد اناسا مثلى
لا يعرفون
من هم ولا اين ولا متى
لا يعرفون اى شىء بأى شىء
فقط يتوهمون
يتخيلون
يظنون
نظره ترفعهم الى السماء
وكلمه تهبط بهم  الى الارض
وحيره وقلق وتفكير واضطراب
يجعلهم بجانبى  
بين السماء والارض
هو مكان اللا معقول
كل ما هو غير منطقى
انتظار بلا مبرر
هروب بلا داعى
بحث بلا جدوى
الم بلا مرض
بين السماء والارض
حيث تسيطر عليك افكار معينه
لا يمكنك التخلص منها
متى حييت
بين السماء والارض
حيث تجدنى
لا تلقى لى بالا
فإنك ان توقفت
لتحاول ان تنقذنى
لن تستطيع الفرار  
وستحترق اجنحتك
لانى تعلمت كيف احرق
مثلما احترقت
وستبقى مثلى 
بين السماء والارض

هناك 10 تعليقات:

Haytham Alsayes يقول...

روعة تحفة جميلة اوى ياساره
بجد معنديش تعليق تاني غير كدة واروح اقراها تاني مرة
استمري جووو اووون


تحياتي

غير معرف يقول...

وليه التشاؤم يابنتى وليه ماتكونش رجليكى على أرض قوية وعينيكى على السما
Eman karkora

غير معرف يقول...

جميله ياساره جدا جدا
انت الفراشه الجميله بس بقولك فى حاجه تانيه بين السما والارض تحركهانسمات الهواء وتنقلها الرياح
الفيروسات هههههههههه
بلبله

غير معرف يقول...

حسبي الله ونعم الوكيل
اديله على دماغه ياسارة ولا ترحيمه
ههههههههههههههه
Neveen

دعاء العطار يقول...

النهارده كلنا بنكتب عشان خالد

كلامك مؤثر جدااااً وينم عن احساس عالى

ربنا يرحمه ونشوف بعينينا نهاية اللى قتلوه

غير معرف يقول...

حلوة اوي يا سارة هي متشائمة شوية بس جمييييلة
استمري و للأحسن باذن الله
امانى

دعوه للحب يقول...

بين السماء والارض
كلام جميل ومعبر عن احساسك الداخلى مع انه فيه شىء من التشاؤم والاستسلام للظروف والضغوط المحيطه ولكن مذكرتيش شىء عن المقاومه ولكل فعل رد فعل مضاد له فى الاتجاه واكيد احنا اتعلمنا الكلام دا ممكن نتعب واحنا بنواجه بس صدقينى لو حققنا اللى احنا بنسعى اليه هنحس بمتعه جميله جدا واذا كان فى وهج محيط بنا واحترقت اجنحتنا فاماننا بالله عزوجل وانه لا يضيعنا ابدا هو وقودنا اللى بيمدنا بالطاقه والنشاط لكى يساعدنا على المواجهه
تصويرك كالعاده جميل جدا ووصفك للاحداث دائما فى تقدم ولكن ليا اضافه حاولى تراقبى فراشه هتلاقيها بتحاول مره واتنين وتلاته فى التحليق الى الاعلى رغم وجود الهواء واوقات كثيره تنزل الى الارض ولكن مبتنزلش على اى مكان بتنزل على اجمل الاشياء الازهار الجميله الخلابه
على قد مافى تعب ولكن فى اشياء جميله بتحصل لينا وكفايه ان اللى بينظر اليها بيحس بيسعاده بوجودها ولكثرت جمالها وروحها الطيبه اظن انت فهمانى
بالتوفيق ياساسو

غير معرف يقول...

الانسان الضعيف فقط هو الذى بعلق بين السماء والارض الانسان القوى قدماه ثابتتان فى الارض وراسه شامخه فى السماء ...فاطمه

حلم بيعافر يقول...

كلهم بيقولوا كده فى الاول)))....

نجلاء يقول...

حلوه جدا جدا