بكره جلسه النطق بالحكم فى قضيه مقتل خالد سعيد
مات بقاله سنه وشهر تقريبا ولسه متحكمش على اللى قتلوه
خالد كان فتيل الثوره
وكان سبب كبير جدا فاللى حصل
كان القشه اللى قسمت ظهرنا كلنا
نزلنا وقفات كتير علشان نطالب بحقه وحق كل حد اتظلم من الشرطه
وقانون الطوارىء والقرف اللى كان مالى البلد
ومع حاجات كتيييير تانيه
حتى بعد الثوره وبعد ما قلنا خلاص كل حاجه هتبقى صح
والحق هيرجع لصحابه
لقينا برضه ان الحق بيتاخد من صحابه
يعنى ايه قاتل يتساب حر
يعنى ايه واحد ضيع حياه شباب كتير يعيش كده من غير اى مشاكل
يعنى ايه قضيه قتل تتأجل سنه
يعنى ايه
القضاء المفروض انه اعدل حاجه بتجيب للناس حقوقها
لما يبقى فيه الاستهتار الرهيب ده يبقى ايه
الشهدا اللى ماتو فى الثوره
فين اللى قتلهم ... فين اللى امر بقتلهم ...بيصيف فين ولا هرب على انهى بلد
المصابين الكتير جدا جدا ... عايشين بيتعذبو .. واللى عمل فيهم كده عايش حياته
احنا عايزين الحق والعدل
مينفعش نسكت على الحق والعدل واحنا نقدر نجيبهم
لان ربنا هيحاسبنا
مينفعش اللى قتلو خالد سعيد يطلعو براءه
مينفعش
هناك 4 تعليقات:
ان شاء الله ربنا يظهر الحق
ويرجعله حقه
ويرجعلنا احنا كمان حقوقنا
القضيه اتاجلت لشهر 9 مش عارف هيتحكم فيها امتي
:(
من بعد ما شفت مش قادر اتكلم
فين الشباااااااااااااب
إرسال تعليق