الأحد، 19 يونيو 2011

فوبيا الموت



قالت لى صديقه يوما ان جدتها قبل ان تموت بثوان قالت لهم من هذا الذى يدخل على
فبعد ان ماتت خمنو انه ملك الموت ..
هل يرى الميت ملك الموت ام يشعر به ام لا يشعر بأى شىء
هل كل ما يقال من اشياء تحدث لحظه الموت حقيقه ام اجتهاد
هل هناك احد يشعر انه سيموت قبل ان يموت
اسئله كثيررره جدا تدور بداخلى .. ولا اجد لها اى اجابه
وانا استسلم للنوم الذى غلبنى بشده بعد يوم طويل مرهق
ذهبت الى سريرى .. قلت دعاء النوم كما علمتنى امى قديما
لا اتذكر انى نسيته يوما
حتى مع اسوء حالاتى فى علاقتى مع الله
هناك اشياء تظل ثابته
قالت لى صديقه ذات يوم
انتى متأسسه صح يابت يا ساره .. ومهما عملتى انتى عندك اساس سليم
اثناء تعمقى فى النوم وفى اللحظه التى تسمع من حولك ولكنك لا تستطيع الحراك
احسست ان روحى  تريد ان تتحرر منى
تحدثت الى نفسى فى غموض
بسم الله الرحمن الرحيم .. قلبى مقبوض .. وروحى بتروح
فتحت عينى مفزوعه لا اعرف ما هذا الشعور الغريب
استعذت بالله من الشيطان ونمت مره اخرى
ولكن تكرر الاحساس مره اخرى .. بطريقه اقوى
جعلتنى انطق الشهاده خوفا .. وانظر حولى لارى هل ملك الموت جاء ليقبض روحى
مر عمرى امامى كشريط يجرى بطيئا بتفاصيله 
اغضبت الله منى كثيرا .. ولكنى احبه جدا
عصيته ولم انفذ كثيرا من اوامره .. ولكنى اخافه جدا
احسست بالموت مقتربا جدا .. فزعت من مكانى .. توضأت وصليت
ودعيت الله ان يكتب لى حسن الخاتمه
بكيت بشده .. فقد كان احساسا رهيبا
ذهبت للنوم مره اخرى ولكن ايضا راودنى نفس الشعور
افترضت موتى وتخيلت ما يحدث بعده
وجدت نفسى اريد ان اغير اشياءا كثيره
قررت ان اكتب وصيتى
ظللت افكر  حتى ظهر اول شعاع لنور الصباح ..
 وكانت قواى قد انهكت .. نمت
استيقظت متأخره .. شعرت ان روحى نظيفه ..
 حمدت الله انه مد فى عمرى يوما اخر
أعطانى فرصه اخرى
هل كان اختبار .. ام مجرد احساس حولته انا الى فكره بخوفى
تمنيت لو كان متاحا ان يحكى الاموات ما يحدث لهم
كى اعرف ما يدور بالتفصيل فى حياتهم الاخرى
لكنى كنت أثق بشده ان الله ارحم واحن علينا من انفسنا
كنت اظن انى مريضه بفوبيا الموت ..
اضافه الى الفوبيات الاخرى التى تلتهمنى
لكننى الان تأكدت  انى مريضه بفوبيا الحياه


  

هناك 25 تعليقًا:

Lobna Ahmed Nour يقول...

لا يحملني على تقبل اجتماع النقيضين (فوبيا الموت وفوبيا الحياة) إلا أنني أعانيهما معًا

استمتعت بقراءتك

ساره جمعه يقول...

شكرا جدا يا لبنى بجد
:)

الحلم العربي يقول...

جميل جدا
اللهم احينا مادامت الحياة خيرا لنا و أمتنا إذا كان الموت خيرا لنا

المحطه يقول...

فى أحيان كثيره يؤجل الموت رغبتنا فى الحياةويعطل الحياه رغبتنا فى الموت فلا يجب تعطيل الحياة طالما الموت آت دون أبطاء . أمنياتى بسعادة الدنيا والآخرة

Bent Men ElZman Da !! يقول...

جميله اووى يا ساره
اسلوبك فيها تحفه
ربنا يحسن ختامنا جميعا

ساره جمعه يقول...

@ الحلم الجميل
شكرا جدا
اللهم اميين يارب

ساره جمعه يقول...

@ المحطه
فعلا صح جدا
يارب يارب شكرا للدعوه الحلوه
:)

ساره جمعه يقول...

@بنت من الزمان ده
انتى اجمل يا بنوته
يارب اللهم امين يا حبيبتى

غير معرف يقول...

بتووووووووجع :(

ساره جمعه يقول...

حقيقيه بس يا حبيبتى اوى يمكن علشان كده وجعتك
سلامتك من الوجع يا مهاميهو
:)

سَارةٌ يقول...

تَقريباً .. جاتلي حاله إنِّي كُنت بصحى وافتح عيني
ومقدرش اتحرك من السرير .. :DD

لما كُنت بحكي لحد كان بينفجر من الضحك على تهيؤاتي
ويقولي ده من كتر حركتك ..
..
احياناً بحس ان ربنا بيبعتلنا انذارات مبنقدرش نستوعبها !
..
البوست فكرني بحاجات كتيره يا ساره ..:)
بِجَد .. عَجبني جداً ..:)

ساره جمعه يقول...

مبسوطه ان كلامى لمسك اوى كده
ومبسوطه انه عجبك
:)

Unknown يقول...

جميل اوي اوي يا ساره

غير معرف يقول...

والله رائعة ياساره وانا فعلا باحس الاحساس ده كتير جدا وزى ماوصفتيه بالضبط بس انتى شخصتيه صح فوبيا الموت
بلبله

ساره جمعه يقول...

شكرا عبد الرحمن
اسعدنى مرورك
:)

ساره جمعه يقول...

تسلميلى يا بلبله
:)

غير معرف يقول...

اعمل لاخرتك كانك تموت غدا واعمل لدنياك كانك تعيش ابدا ثقى فى رحمه الله ولا تخافى
فاطمه

غير معرف يقول...

جميلة أوي يا سارة
عبرتي حلو اوي عن الموقف ده
يا رب يصلح أحوالنا جميعا ويحسن ختامنا يا رب
يا رب يا سارة تكوني دايما سعيدة ومتحسيش الاحساس ده تاني ابدا يا رب
أماني

غير معرف يقول...

Eman karkora
النوم موت يمكن كنتى مرهقة جدا ومحتاجة للنوم جدا فكان نوم قوى يشبه الموت حاول ينيميك وانتى تهربى منه
وممكن يكون تنبيه من ربنا لإنسانه بيحبها
أجمل دعاء لسيدنا يوسف توفنى مسلما وألحقنى بالصالحين

غير معرف يقول...

الموت حاجة حلوة لأنه جزء من الحياة بشكل عام ، الحياة جزء منها كان في بطن أمي وجزء تاني هنا على الأرض وجزء ثالث في قبري وجزء رابع أسأل الله إنه يكون في الجنة مع حبيبي صلى الله عليه وسلم

هو بس مجرد إنتقال زي ما الولادة كانت موت لفترة وجودي كجنين فالموت نهاية فترة وجودي على الأرض

انا سعيد إنك بتسمحي لنا نقرب من معاني جميلة زي اللي بتكتبيها وتعبري عنها باسلوبك الحو يا سارة

ممتن انا ليكي سارة

خالد نور

غير معرف يقول...

ربنا يديكى الصحه والعمر ياساره وترضى ربنا دايما كوكى

دعاء العطار يقول...

أنا بتحصلى حاجات كتيره اوى من دى

ساعات بحس ان روحى بتطلع

ساعات بحس انى مش قادره اتنفس

ساعات بحس انى مش قادره أتحرك

عيشت معاكى جداااً وحسيت كل حاجه قوللتيها

مش بحب أفكر فى الموت كتير لأنى بخاف أوى

دمتى عاشقه للحياه (:

غير معرف يقول...

خايفه قوي

غير معرف يقول...

لوسمحتوم قلبي مقبوض علي طول وبلغم في زوري وحاجه وقفه علي قلبي وبحس ان ملك الموت بيقبوض روحب وبخاف لمااسمع حاجه عن الموت

غير معرف يقول...

حديردعليا