بجرى عالناس اللى منك
اللى شبهك
اللى زيك
واللى من دمك
اى حد بيعرفك
اى حد يعدى جنبك
كان فى يوم بينك وبينه
حوار طويل
فى اى حاجه
المعانى
والاغانى
وكل حاجه بتعجبك
بلاقى نفسى بحبها
من غير سبب
نظرتك لاى حاجه
دى بقى ليها العجب
حتى ملامحك
مش بشوفها فيك انت بس
لا بشوفها فى كل حاجه
وكل حد
واى حد
واى حد
حتى فيا فى المرايه
بشوفك انت
فى كل حته جوايا
الاماكن والبيوت
اللى عديت يوم عليها
وسبت فيها بصمه عينيك
الشوارع اللى خطيت انت فيها
فيها لمسه خطاويك
اى حاجه فيها ريحتك
اى حاجه تيجى منك
اى حاجه وكل حاجه
حتى لو كلمه مكتوبه
بخط ايدك المنعكش
فى ورقه قديمه بايشه
جوه اى كتاب قديم
كافيه تخلى حياتى احلى
الصور اللى انت فيها
حتى وسط ناس كتيره
بتبقى كل الصوره
إنت
كل حاجه واى حاجه
بتبقى انت
علشان انت كل حاجه
هناك 24 تعليقًا:
تحفة بجد ياساره
معانيها وكلماتها و كل حاجة جمييييلة
ولو العيا كدة
انا عاوز اعيا
تحياتي :)
ايه العيا الجميل ده تحفه يابت يا ساره
عجبتنى بجد
شكرا يا هيثم بجد جدا
العيا ده متعب مش حلو علشان تتمناه
شكرا لمرورك :)
مبسوطه انها عجبتك يا سمسم
شكرا يا جميل
:)
helwa awy oslobk bythassn bas kman ente konty tadary tktbeha ahla mn keda kaman
:)
جَمِيلَه بِجدْ يـآ سارهْ ..:)
حلوه يا سارة
:)
الله ينور...ايقاعها حلو قوي قوي
وتاخدك من اول سطر لاخر سطر
ببقي مبهور بالتدوينات اللي ايقاعها سريع
تحياتي
الاماكن والبيوت
اللى عديت يوم عليها
وسبت فيها بصمه عينيك
الشوارع اللى خطيت انت فيها
فيها لمسه خطاويك
بجد جمييييييييييييلة اوى يا سارة واحلى حاجة ريتمها السريع بتشد الواحد يكمل معاها للنهاية
تحياتى ليكى
:))
ربنا يخليكو بجد شكرا
مش عارفه اقولكو ايه على كلامكو اللى يرفع المعنويات ده
شكرااا
الخاطرة جميلة جدا بتبين جمال الذكرى الى انتى بتحكى عنها يا سارةلدرجة انى لما قريتها اتمنيت انى اكون انا صاحبة الذكرى الجميلة دى عند اى انسان
اختك رشا صلاح الدين
يارب كل الناس تعيش سعيده يا رشا
وكل الناس تعيش حقيقه مش ذكرى كمان
شكرا لمرورك يا روشى
كل الناس يا سارة زى ما عندها حقيقة بتعيشها عندها كمان ذكريات سواء جميلة ولا مش جميلة بس المهم اننا نحاول نعيش الواقع بكل ما فيه ونخلى للذكريات جزء صغير جدا من مساحة تفكيرنا لانها عمرها ما هترجع تانى
اختك رشا صلاح الدين
تصور جميل للاحساس الداخلى واللى بتحسى بيه مع تمثيل بالاشياء الماديه بطريقه رائعه بس فى تعليق بسيط
كان من الممكن انك تكتبى احسن من كاد ويكون تعبيراتك اوضح من كدا ومترتبه اكتر لانك بجد مستواكى احلى من كدا مع ان ترتيبك هنا كويس بس فى احلى من كدا خلى احساسك هو اللى يتكلم وقلمك هو اللى يكتب متتحكميش فيه متقوليش ليه اكتب دا ودا لا خليه يكتب اللى بيحس بيه بكل حريه علشان تطلع احسن من كدا وانا متوقع انك هتكتبى احسن من كدا بكتير
جميل احساسك دا يا اسكندرانيه ربنا يكرمك ويوفقك يارب
عبده
عندك حق يا رشا
ربنا يعينا كلنا يارب
شكرا يا عبده
هاخد بالى حاضر من كومنتاتك
علشان الحاجات تطلع كويسه جدا بعد كده
:)
ربنا يشفيكى إذا كنتى حاسة إن دا مرض
EMAN KARKORA
"الصور اللى انت فيها
حتى وسط ناس كتيره
بتبقى كل الصوره
إنت"
جميله اوووى
تسلم ايدك :))
ايه الكلام الكبير ده ياساره حقيقى حلوه قوى استمرى نحن ورائك
بلبله
يارب يامامتى
@ لبنت من الزمان ده
تسلمى ..شكرا لمرورك .. مبسوطه انها عجبتك
بلبله يا منورانى ورافعه معنوياتى
شكرا تلمى
يعنى لازم تعرضى نفسك على دكتورمن دلوقتى قبل ما تتحطم احلامك على صخره الواقع فاطمه
ما هى اتحطمت خلاص يا فطوووومه
بس برضه هعرض نفسى على دكتور
إرسال تعليق