دى أول مره اكتب فى المدونه على طول
مش فى وورد الاول
كتبت عالفيس جملتين كده وهما
-------------------
مش فى وورد الاول
كتبت عالفيس جملتين كده وهما-------------------
لقد أُصبت بفوبيا جديده
تُضم الى قائمه الفوبيات
فوبيا التعود
أصبحت أخشى التعود على البشر
هناك خط احمر لعلاقاتى الانسانيه اتقلب مزاجيا
ابتعد
اقاطعهم حتى لا أتألم من فراقهم المحتوم
----------------------- تُضم الى قائمه الفوبيات
فوبيا التعود
أصبحت أخشى التعود على البشر
هناك خط احمر لعلاقاتى الانسانيه اتقلب مزاجيا
ابتعد
اقاطعهم حتى لا أتألم من فراقهم المحتوم
ولقيت ردود اصحابى كتير اوى
منهم اللى قالى مش للدرجه دى
واللى قال الناس كلها فيها عيوب
الموضوع بسيط جدا يا جماعه
ان احنا مش جايين الدنيا علشان نوجع بعض
ولا نعكنن على بعض
او نجرح بعض
احنا جايين لدور معين وماشيين والله
يبقى مش مستاهله اننا نطله اسوء ما فينا
ونبلى ناس بنحبهم وبيحبونا
ويبقى كل ذنبهم انهم عرفونا
لازم ناخد بالنا من الناس اللى حوالينا
ولو مش هنقدر ناخد بالنا
يبقى بلاش نعرفهم ولا نحبهم اصلا
حاول تسيب ليك فى الدنيا ذكرى حلوه فى نفوس اللى تعرفهم
احنا ضيوف ... ولازم نبقى ضيوف محترمين :)
هناك 23 تعليقًا:
بداية موفقة يا جميلة باذن الله
ممكن اتفق معاكى بشكل مختلف شوية
مش علشان اتعودنا على الفراق
نخلى العلاقات كلها ليها حدود وكلها سطحية
احنا نحاول نتعامل باحسن اسسلوب عندنا
علشان وقت ما يحصل الفراق المحتوم نبقى متاكدين
اننا سايبين فى اللى اتعاملنا معاهم آثار عميقة
تخلينا مش نفارق ذاكرتهم
بالتوفيق يا سارة :)
التجارب احيانا بتدمينا يا ايه والله
بس غصب عننا بنرجع نحب الناس تانى
تسلمى على تعليقك
نورتينى :)
مش لاقيه رد او تعليق يناسب كلامك
عندك حق في كل كلمه ياساره :)
عندك حق جدا
انا مره قرأت
جملة ف كتاب ((انجوى يور لايف
استمتع بحياتك))
بتقول:..أشعرني باهتمامكـ بي..بحفظكـ اسمي ونادني به..لأحبكـ
الناس بتحب اللى يحبهم ويفتكرهم ولازم فعلا نبقى ضيوف محترمين
تحياتى لكى ومتابعه بستمرار
صح يارب نسيب ذكرى حلوة فى قلوب كل المحيطين يارب ان شاء الله
معاكي جدا يا سارة :)
عايزة أقول كمان إن الكتابة مباشرة على بلوجر ممتعة.. انسي الوورد وانطلقي :))
امممممم ..ممكن يكون عندك حق
بس انا شايف انه ال اعرفه احاول ع قد ما اقدر اسيب ذكرى كويسه معاه
لو مقدرتش يبقى نصيبنا كده
انما البعد نفسه مش حل
:)
استمرى:)
@rona ali
تسلمى يا رونا .... نورتينى والله
@mena
.أشعرني باهتمامكـ بي..بحفظكـ اسمي ونادني به..لأحبكـ
فعلا... عندو حق جدا اللى قال الجمله دى
نورتينى يا منه بجد :)
@nona elsha3nona
يارب كل ذكرياتنا اللى نسيبها فى الدنيا تكون ذذكريات حلوه
نورتينى يا نونا :)
@لبنى احمد نور
مش كده والنبى
فعلا الكتابه على بلوجر تحفه على طول
نورتينى وبحبك يا بنوته :)
@خالد ناجى
ما طبعا انا معاك فى اننا لازم نسيب ذكرى كويسه
حتى فى البعد
يعنى انا مبقولش نبعد عن الناس بتاتا
بس يبقى فى حدود اكبر شويه من الطبيعيه علشان الوجع ميبقاش كبير
نورتنى يا خالد والله :)
هوا لو احنا عندنا الاحساس دا بأننا فالدنيا لازم نسيب ذكري حلوة لكل اللي حوالينا .. أكيد هنحاول قدر الامكان اننا مش نأذيهم ولا نجرحهم والمحاولة دي سبب كافي لأننا مانبعدش عن حد نبحبه :))
بس فى ناس بتبعد ... وبتوجعك قبل ما تبعد
!!!
احنا بالتاكيد لازم نعمل اللى علينا ونحاول نسيب ذكرى حلوه مع اى حد بنحبه
فى فيلم اوشن 12 كان براد بت بينصح زميله فى التيم قاله ايه بأه (لما تقابل صاحب الفندق لازم تخليه يحبك جدا ويكون مبسوط ان قاعد معاك لكن مجرد ما تسيبه ينساك ولو افتكرك مره خليه يقول دا رجل كويس او ممكن نقول ربنا يمسيه بالخير)
دا كفايه خليك لحظة حلوه فى الدنيا دى
مبسوط ان دى اول زيارة للمدونة بتاعتك بالتوفيق ان شاء الله يا سارة
نورتنى يا محمد بجد
وحلو الموقف بتاع الفيلم ده
ياريت نقدر نعمل ده ... من غير ما نوجع حد :)
عن ابن عمر رضي الله عنهماقال : أخذ رسول الله صلى الله عليه وسلم بمنكبيّ فقال : ( كن في الدنيا كأنك غريب ، أو عابر سبيل ) والغريب وعابر السبيل بيتعامل برفق واحترام
Eman karkora
صح جدا بقى D:
احنا جايين الدنيا ضيوف
عجبنى التشبيه ده جدا :)
تسلم إيدكِ
@ eman karkora
صح يا مامتي :)
@Radwa Ashraf
تسلميلي يا رودي :)
السلام عليكم
انا شايف ان الموضوع ده صح في اننا لازم نعرف ان الدنيا مش مستاهله بس بردوا كل حاجه ليها حدود وطالما علاقتنا مع الاخرين في هذه الحدود يبقي تمام
وتحياتي أ/ اسكندرانيه
وتحياتي لكم جميعاً
صح والله يا سارة عندك حق جدا
بس للأسف مش كتير بيفكروا كده :(
كلمتين فيهم البركة والله
بالتوفيق يا ثكر :)
أماني القبية
فوبيا التعود ...
أنا بشوف الموضوع بشكل تانى
كل حاجة بتكتسب طعم لما بيبقى فى صحبة
ولكن لما بتختفى الصحبة لما بيختفى الناس
الواحد بيتوجع
بيتوجع لما يفتكر انه اخد ناس لاماكن خاصة بيه للدرجة وخانوه
بيتوجع لما بيلاقى انه قدر الناس وملقاش مقابل
بيتوجع لما بيلاقى إن الناس مبتفكرش إن فى صداقة او رفقة حقيقة أو مشاعر تكنها للطرف التانى أيا كانت وتلاقى إن الكل بيقضى وقته
على فكرة
ما ذكرته بيسبب مرض نفسى
وهوا تقريبا اسمه الخوف من الاماكن العامة
لما الواحد بيتعود الخروج او الحياة مع حد والحد دا يختفى
وبرده كما قلتى
احنا مش جايين نجرح بعض ...
مش جايين الدنيا نجرح بعض
دمتى بكل ود
فقرى
إرسال تعليق