ولد شقى بينده اخوه
بيقوله اجرى
الدنيا بتشتى
تعالى حتى شوف بنفسك
مدو ايديهم تحت الشتا
وكأن عينيهم مش شايفاه
وكأن عينيهم مش شايفاه
لا شايفاه بس مش حاساه
لازم الشتا يلمس ايديهم
ويضحكو
ويصرخو
ويرفعو وشوشهم لفوق
وكإن الشتا بيرويهم
بيحييهم
بيخلى قلوبهم الخضرا تنبت من جديد
لازم الشتا يلمس ايديهم
ويضحكو
ويصرخو
ويرفعو وشوشهم لفوق
وكإن الشتا بيرويهم
بيحييهم
بيخلى قلوبهم الخضرا تنبت من جديد
وأمهم تزعق بصوت حنين
ادخلو
هتبردو
والبرد برضه مقدرش يملى القلوب
وتبتسم وتقولهم يابختكو
ياريتنا نرجع قدكو
ادخلو
هتبردو
والبرد برضه مقدرش يملى القلوب
وتبتسم وتقولهم يابختكو
ياريتنا نرجع قدكو
ويدخلو ويقفلو كل البيبان
ويلبسو هدوم كتير
ويرجعو يتفرجو على الشتا
ويرجعو يتفرجو على الشتا
وبخار هوا على الازاز
ل عيال بترسم حلمها
وعيال بتكتب اسمها
ويمسحو ويكتبو متكلفتين وسط الهدوم
والبسمه ماليه الشفايف والعيون
وبيوت دفا وقلوب عمار
رغم الشوارع اللى ماليها الشتا
هناك 20 تعليقًا:
الشتا ده حكــاية لوحده
بيثير جوانا غموض .. أسرار .. حكايات
ومانعرفش ليه بنحبه :)
جميل يا سارة
الشتاء ده حاجه حلوة اوى
وريحة المطر جميلة اوى
جميله يا ساره بحس ان الشتا بنزل علينا بغسلنا من همومناعشان نرجع نكون رحلتنا فى الحياه
حلوة اوووووووى بس مامتهم لازم تعمل زيهم على فكرة :))
مافي أحلى من الشتا ودفا الأخوة ..
جميلة ..
جميلة أوي يا سارو بتوصف ..ببساطة..احساس كلنا بنحبه
فكرتني بزمان كنت بحب اوي اتفرج ع المطر من ورا الازاز
بس تصدقي عمري ما عملت زيهم كده
مش عافة ليه؟؟
بالتوفيق يا قمر وكل يوم تدوينة أجمل بإذن الله :)
أماني القبية
يارب يملا بيوتنا بالدفا والامان
حقيقي عجبتني
جميلة اوى يا سارة
احلى حاجة ف الشتاء
ريحةالمطر وشكل السماء
امنياتى بشتاء سعيد عليكى :)
إبتسامة لا أعرف سببها على شفتَـيّ طوال فترة القراءة
أكثر من رائعة بجد ياسارة
تسلمي
تحففففففففففففففة
اووووووووووووووي
اوووووووووووووووووووووي
وقلوب دفـا وقلوب عمـار رغم الشـوارع اللي ماليـهــا الشتــا :)
جميلة يا سـارة ، أشكركـــ :)
جمييييلة خالص :)
حببتينى فى الشتا زيادة <3
جامده جدااا
تحياتى وتقبلى مرورى
احلى حاجه فى الدنيا انك تمشى تحت المطر ولو انى باعيا بعدها ههههههههههههههههه
كوكى
ل عيال بترسم حلمها
وعيال بتكتب اسمها
ويمسحو ويكتبو
متكلفتين وسط الهدوم
والبسمه ماليه الشفايف والعيون
وبيوت دفا وقلوب عمار
رغم الشوارع اللى ماليها الشتا
جميله دى
الشتا عامل جو بين المدونين روعه كل بيدفي بمواضيعه وبنستمتع بيها اصبح وصفه سحريه لاتقاوم
تحياتى في وصفك لي ^_^
رجعت صغنتوت تاني من التدوينة دي
جامدة جدى :)
جميلة جدا التدوينة دى
فكرتينى انى بحب امشى فى المطر و ايام الكلية تسلم ايديكى
كلام رائع
اللهم أنى أستودعتك مصر..♥ رجالها و شبابها .♥.
نساءها و فتياتها .♥. أطفالها و شيوخها .♥.
اللهم أنى أستودعتك ممتلكاتها و مبانيها و منشآتها .♥.
اللهم أنى أستودعتك نيلها و اراضيها و خيراتها .♥.
اللهم أنى أستودعتك أمنها و أمانها و أرزاق اهلها .♥.
اللهم أنى أستودعتك حدودها و بحورها و جنودها .♥.
فأحفظهم بحفظك يا من لا تضيع عنده الودائع و أنت خير الحافظين .
إرسال تعليق