الثلاثاء، 15 نوفمبر 2011

دفا الشتا




ولد شقى بينده اخوه
بيقوله اجرى
الدنيا بتشتى
تعالى حتى شوف بنفسك
مدو ايديهم تحت الشتا
وكأن عينيهم مش شايفاه
لا شايفاه بس مش حاساه
لازم الشتا يلمس ايديهم
ويضحكو
ويصرخو
ويرفعو وشوشهم لفوق
وكإن الشتا بيرويهم
بيحييهم
بيخلى قلوبهم الخضرا تنبت من جديد
وأمهم  تزعق بصوت حنين
ادخلو
هتبردو
والبرد برضه مقدرش يملى القلوب
وتبتسم وتقولهم يابختكو
ياريتنا نرجع قدكو
ويدخلو ويقفلو كل البيبان
ويلبسو هدوم كتير
ويرجعو يتفرجو على الشتا
وبخار هوا على الازاز
ل عيال بترسم حلمها
وعيال بتكتب اسمها
ويمسحو ويكتبو
متكلفتين وسط الهدوم
والبسمه ماليه الشفايف والعيون
وبيوت دفا وقلوب عمار
رغم الشوارع اللى ماليها الشتا

هناك 20 تعليقًا:

Sea Lover يقول...

الشتا ده حكــاية لوحده
بيثير جوانا غموض .. أسرار .. حكايات
ومانعرفش ليه بنحبه :)

Unknown يقول...

جميل يا سارة

الشتاء ده حاجه حلوة اوى

وريحة المطر جميلة اوى

مى مصطفى يقول...

جميله يا ساره بحس ان الشتا بنزل علينا بغسلنا من همومناعشان نرجع نكون رحلتنا فى الحياه

Zeinab Hataba يقول...

حلوة اوووووووى بس مامتهم لازم تعمل زيهم على فكرة :))

Emtiaz Zourob يقول...

مافي أحلى من الشتا ودفا الأخوة ..

جميلة ..

غير معرف يقول...

جميلة أوي يا سارو بتوصف ..ببساطة..احساس كلنا بنحبه
فكرتني بزمان كنت بحب اوي اتفرج ع المطر من ورا الازاز
بس تصدقي عمري ما عملت زيهم كده
مش عافة ليه؟؟
بالتوفيق يا قمر وكل يوم تدوينة أجمل بإذن الله :)
أماني القبية

EL pRiNcEssA يقول...

يارب يملا بيوتنا بالدفا والامان
حقيقي عجبتني

aya mohamed يقول...

جميلة اوى يا سارة
احلى حاجة ف الشتاء
ريحةالمطر وشكل السماء
امنياتى بشتاء سعيد عليكى :)

Ahmed El_Desouky يقول...

إبتسامة لا أعرف سببها على شفتَـيّ طوال فترة القراءة

أكثر من رائعة بجد ياسارة

تسلمي

أع ـقل مـ ج ـنـونــة يقول...

تحففففففففففففففة
اووووووووووووووي
اوووووووووووووووووووووي

Unknown يقول...
أزال المؤلف هذا التعليق.
خالد يقول...

وقلوب دفـا وقلوب عمـار رغم الشـوارع اللي ماليـهــا الشتــا :)

جميلة يا سـارة ، أشكركـــ :)

Radwa Ashraf يقول...

جمييييلة خالص :)
حببتينى فى الشتا زيادة <3

هبة فاروق يقول...

جامده جدااا
تحياتى وتقبلى مرورى

غير معرف يقول...

احلى حاجه فى الدنيا انك تمشى تحت المطر ولو انى باعيا بعدها ههههههههههههههههه
كوكى

rona ali يقول...

ل عيال بترسم حلمها
وعيال بتكتب اسمها
ويمسحو ويكتبو
متكلفتين وسط الهدوم
والبسمه ماليه الشفايف والعيون
وبيوت دفا وقلوب عمار
رغم الشوارع اللى ماليها الشتا

جميله دى

الشتا عامل جو بين المدونين روعه كل بيدفي بمواضيعه وبنستمتع بيها اصبح وصفه سحريه لاتقاوم
تحياتى في وصفك لي ^_^

Haytham Alsayes يقول...

رجعت صغنتوت تاني من التدوينة دي
جامدة جدى :)

جارة القمر يقول...

جميلة جدا التدوينة دى

فكرتينى انى بحب امشى فى المطر و ايام الكلية تسلم ايديكى

غير معرف يقول...

كلام رائع

Emtiaz Zourob يقول...

اللهم أنى أستودعتك مصر..♥ رجالها و شبابها .♥.

نساءها و فتياتها .♥. أطفالها و شيوخها .♥.

اللهم أنى أستودعتك ممتلكاتها و مبانيها و منشآتها .♥.

اللهم أنى أستودعتك نيلها و اراضيها و خيراتها .♥.

اللهم أنى أستودعتك أمنها و أمانها و أرزاق اهلها .♥.

اللهم أنى أستودعتك حدودها و بحورها و جنودها .♥.

فأحفظهم بحفظك يا من لا تضيع عنده الودائع و أنت خير الحافظين .