ايوه يا هندسه
ها يا عم احمد الكتاب جالك
اه يا هندسه موجود
ماشى يا عم احمد هاجى اخده اللنهارده
لاااااااااااا
استنى يا هندسه
بص لما تيجى تعالالى على الرصيف اللى قدام المكتبه بلاش تجيلى فى المكتبه
ورنلى اول ما توصل
ليه يا عم احمد فيه ايه
اسمع بس كلامى خلينا ماشيين جنب الحيط يا هندسه
ماشى يا عم احمد خلاص حجيلك الساعه 5
----------------------------------------
ايه يا عم احمد ازيك
خد يا هندسه وهات الفلوس
اوعى تقول لحد انك واخده من عندى
سلام ياهندسه
استنى يا عم احمد
عم احمد
عم احمااااااااااااااااااد
-------------------------------------------
طبعا الحوار اللى فات يقول ان عم احمد بيبيع مخدرات
دراجز
هههههههههههه
الراجل ده للاسف كان بيبيع كتاب خارجى
اه والله
كتاب خارجى
بيبيعه سرقه
ومش جوه المكتبه لا ده على الرصيف اللى قصادها
وفى كيس اسود
اصلها حاجات عيب دلوقتى الكتب الخارجيه
ياجدعان دى الكتب الخارجيه زمان كنا بناخد الواجب بتاع المدرسه منها
اخر الدرس تلاقى المدرس يقولنا
س .ت
يعنى سلاح التلميذ
وسؤالين تلاته منه
والكتاب كان يطلع من المكتبه عليه الختم بتاعها للدعايه للمكتبه يعنى
الكتاب يطلع رافع راسه
دلوقتى الكتاب بقى بيطلع متهرب وفى كيس اسود
هى حاجه كويسه ان كتاب المدرسه يتعمله قيمه
بس لو كان فيه معلومات واسلوب يستاهلو بجد قيمته دى
ربنا يستر بكره ومنلاقيش الاقلام الرصاص ممنوعه فى المكتبات والعيال يكتبو بصوابعهم بقى
:)
هناك تعليقان (2):
كل حاجة بقت تهريب كله بيقولك تهريب
حتى المدرسين عشان بقى من الفتح العثماني للفتح العثماني
قالوا نشجب و نستنكر دة الكتاب اتغير عشان البيه المدرس الفاضل عاوز يرس ز دفتر تحضير الدروس زي بتاع السنه الى فاتتو يشرح على قد فلوس الوزارة
و ييقولك عاوز تنهض ببلد ركز في تعلمها
لا يا عم عاوز تنهض ببلد ركز في رقاصتها
والله احنا خلاص وصلنا لمرحله وحشه اوى
ربنا يتولانا برحمته بقى
إرسال تعليق