الأربعاء، 14 يوليو 2010

شربت جهينه النهارده ؟؟؟

شربت جهينه النهارده ؟؟؟
ليييييييييه بس
كان لازم تشرب
اصل انت متعرفش
جهينه عامله حمله اعلانيه كبيره اوى
بيطلع ناس فى الاعلانات بيشربو عصير جهينه
وفجاه يقومو قايلين رايهم بكل صراحه فى اى حد
جايبين بنت بتقول رايها فى الشباب السيس اللى بعضلات ومجانص
وولاد بيقولو رايهم فى البنات
والواحد يشرب من هنا ويقوم قايل كل اللى فى نفسه
ايوه صح
هى حبوب الصراحه مدوبينها فى العصير
تشرب العصير من هنا
وتقول كل اللى فى نفسك
فى احلى من كده
بس لو كترت عن عبوتين فى اليوم ممكن تتمسك من كتر اللى حتقوله
او تتضرب علقه محترمه فى الشارع
(طبعا دى من عندى مش فى الاعلان)

لا بجد صحيح هو ايه الحكمه انك لما تشرب عصير جهينه تبقى صريح اوى كده
اكيد فى سبب !!!
انا عاوزه الطب الشرعى يحلل العصير ده
اما نشوف ايه الى فيه


وبعدين فكر فيها كده حتلاقى ان جهينه كده حتقلب نظام الحكم
لالالالالالالالالالا
قصدى تعدله
ما هو مقلوب اصلا
لما كل واحد يقول رايه بصراحه يبقى
اوبااااااااااااااااااااااا
ربنا يستر بقى
كل الحزب الهشتك ده حيبقى معارضه
ده مش بعيد اونكل حسنى بذات نفسه يبص لنفسه فى المرايه ويقول
يعععععععععع انت تانى
عاوزين حد تانى بقى ياعم خنقتنا
دى جهينه غيرت وانت لسه قاعد


متاخدوش على كلامى يا جماعه اصلى شربت من العصيرده
وعماله من الصبح بقول كلام غريب

هناك تعليقان (2):

غير معرف يقول...

انتى عارفه ان مصر من غير مبارك اكيد حتكون ولا اي حاجه خالص ولا حيكون لها وجود وعلى فكره انا مش بشرب جهينه ده اللى جوايه بجد............
يسرا

ساره جمعه يقول...

شكلك بتشربى حاجه غير الجهينه
:):):):)