توأم الروح

كانت تبحث عن شىء
شىء ما يعوضها فقدانه
كانت تقرا ما يكتب
تسمع ما يقول
هو غير موجود
 ولكن صوته فى اذنها
كانت تتخيل وجوده
كانت فى  احتياج شديد لكلماته
 كلماته لها تأثير السحر عليها
تنقلها من عالم لاخر
 كان يفهمها من نظراتها
ويقول لها ما تشعر به قبل ان تنطق
كان دوما  يلفت نظره اشياء صغيره  فيها
لا تلفت نظر اى شخص اخر
وحده كان من يجعلها تبتسم فى عز ازماتها
فقد كان وجوده بجوارها فقط يكفيها
هو فقط من شعرت معه بانها لا تحتاج لان تتحدث
يكفى ان تجلس امامه .....ينظر اليها..... يفهم كل ما بها
كانت دوما تتجنب نظرات عينه
 فى الاوقات التى كانت تريد ان تكون غامضه
كانت تتلاشاها عندما تغضب منه
 وكان يشعر بذلك ويطيل النظر اليها
لعل نظره هاربه من عينيها تفضحها .. وتبتسم
كان يتحدث طويلا اليها وكانت تستمع اليه بشغف
كانت ترى طموحه واحلامه  
 كما لم يراها احد
كان يشعر بانه كائن من كوكب اخر

عندما تتحدث عنه.. معه

ابتسمت فجأه وهى تحكى

اكشفت انها تقلد كل حركاته وتفاصيل وجهه

بكت

 كطفله صغيره رحل عنها اباها ...تاركا لها ملامح ستذكر اى شخص به عندما يراها

دينا الرقاصه القنبله وأحكام النون الساكنه

بصو بقى علشان متقولوش البت دى بتخرف او بتقول اى كلام

 الموقفين دول حصلو بجد حقيقى والله العظيم

تعالو معايا بقى

 بس اوعو تندمجو اوى خوفا عليكو من العواقب الوخيمه للاندماج

واحده صاحبتى جالها عريس انما ايه اخلاق بقى عاليه وحاجه فل كده

طبعا انا قلت

هييييييييييييييه

اخيرا حد هيتجوز بقى والواحد هيحضر فرح ويهيص

راحلهم العريس فى اليوم المحدد

ومعاه الشيكولاته المتينه  اللى هى اكلاشيه دى فى اى جوازه

ودخل وهوب جت العروسه وقعدت تتكلم معااه

وهنا كانت المفاجأه

سألها العريس انتى بتصلى

قالتله اه الحمد لله

طيب بتحفظى قران

اه كنت بحفظ بس دلوقتى مش بروح

طيب يعنى بتعرفى تجويد كويس

قالتله اه الحمد لله

قالها طيب سمعى ايه احكام النون الساكنه

احكام نون ساكنه ايه يا عم الحاج هى دى من شروط الزواج الناجح يعنى

------------

استنى عندك هنا

ده مش تأليف على فكره ولا من دماغى

ده بجد والنحمه

كاااااااااااااات

 ونروح للموقف التانى الخرافه ده

 استعدو

واحدده صاحبتى تانيه جالها عريس برضه ابن حلال كده

وراحت عشان تقابله بره بقى مع ولاد الحلال برضه اللى جايبينه

كل الناس بقت ولاد حلال واخلاق  لو تلاحظو هه

قعدت صاحبتى مع العريس اللطيف الظريف ده

اللى بيسبلها من ساعه ما شافها

قعد يتكلم وبدأ يتكلم عن الحج والعمره

قالت فى سرها ماشاء الله ده باينه كويس والله ومتدين

فجأه وبدون مقدمات

قال ::: انا وانا رايح العمره اللى فاتت كنت بدعى ربنا من قلبى انى اشوف دينا

صاحبتى قالتله دينا مين اختك

قالها لا دينا الرقاصه

دى قنبله قنبله قنبله

يانهارك اسود ومهبب الهى تنفجر فى وشك يارب

انتى ساكته ليه انتى مش بتحبى دينا  هو فى حد زى دينا وهى بترقص

دى رهييييبه  

ولا الايرانيات اللى فى السعوديه انا اصلا بروح عشان اعاكسهم

انا ولا عمره عملتها اتقبلت اصلا بس ربنا يسامحنى بقى  

ربنا يسامحك ايه يابعيد .. دينا ايه وايرانيات ايه

هوايه اللى بيحصل ده يا بشر

-----

حاولو تتمالكو اعصابكو لو سمحتو

لانى مش عارفه اتمالك اعصابى بصراحه

العريسين فى نفس السن تقريبا

والاتنين لبنتين فى نفس الاخلاق والمستوى

وهو فى حد فى اول لقاء مع عروسه يبقى اووووفر اوى كده

سواء فى التدين او التهيييس

ايه الكائنات الغريبه دى اللى الواحد بيشوفها

ارجوك لو كنت حد من الحالتين اللى فاتو

 حاول تسامح اللى دعا عليك بقى

علشان هما اكيد كتيييييييييير

يوميات فى المشروع -- سواق دوت كوم

ياحبيبتى يا مصر يا مصر
يا حبيبتى يا مصر يا مصر
اااااااااااه
يا حبيبتى يا مصر
السواق بيغنى ومندمج جدا
بغض النظر عن صوته الا ان صوته العالى بيدل على وطنيه اكيده نابعه من معاميعه
لفتت نظر الركاب كلهم
فواحد من اللى راكبين قاله كفايه يا اسطى عارفين انك بتحب مصر
قاله مصر – ياسلام  -- هو فى زى مصر 
انا يا استاذ نزلت المظاهرات واتبهدلت وشوف دى رصاصه اخدتها فى دماغى
الراكب قاله مصدقك ياعم والله  بص قدامك بس احسن كلنا نموت دلوقتى .. الا هو انت نزلت المظاهرات ليه يا اسطى
بص يا ريس انا نزلت المظاهرات عشان العيشه اللى احنا عايشينها
والله فى ايام مش بنلاقى ناكل
والعيال والمدارس
كل ده كوم و الذل اللى انا بشوفه من ظباط المرور
تصدق يا باشا انى مره رايح اشوف المخالفات لقيتها ب ميه الف جنيه .. اه والله متستغربش
انا بقى رحت كاتب ورقه للبيه الظابط بتاع المرور قلتله حضرتك تحب اكتب العربيه باسم مين عندكو عشان انا مستغنى عنها  
اه والله اصل ميه الف جنيه ايه  دى عالم هبله باين عليها  دى العربيه متجيبش ربعهم
ضحك السواق  ضحكه استغراب
 واحده راكبه رفعت صوتها اوى – ما هى فرصه بقى اى حد يتكلم  الناس مكبوته ياعم --
 وقالت انا ساكنه قدام قسم وعندى  اتنين جيرانى  ظباط برتب مختلفه
 انا بشوف العساكر بعينى بيطلعو عند الظباط ينضفولهم البيت ويغسلولهم السجاجيد
وعربيات الاقسام بتروح السوق تجيب الخضار وتودى المدام المشاوير
السواق قالها انا كان الظابط يوقفنى وينزل الركاب ويقولى اطلع على المكان الفلانى
ما اكيد عشان عربياتهم مع المدام
كنت اقدر انا بقى اقول لا
كانت تبقى ليلتى سودااااا
تدخلت وبكل قوتى بعد صمت طويل
قلتله بس اوعى يااسطى متنزلش تدى صوتك فى الانتخابات
وقول كمان لكل الناس اللى تعرفهم
وانتخابات مجلش الشعب اوعو حد يديلكو كام الف عشان ياخد صوتكو
قالى لااااا  كلنا حننزل وننتخب
طب تعرفى يا ابله – مع انى بكره ابله دى  بس نعديها للسواق ده من ضمن التغيير يعنى –
 احنا اتجمعنا مع بعض كل السواقين
وهنعمل انتخابات فى نقابه السواقين  ونعمل كبير لينا
امال ايه
كان زمان اى واحد ييجى يتبطلج علينا وياخد مننا جنيه رايح وجنيه جاى
والظابط فى المرور عشه  جنيه – على فكره ال ر منسيتش اكتبها بس هو بينطقها كده -- 
عالصبح عشان يسيبنى فى حالى طول اليوم
انما خلاص بقى كل ده راح لحاله
ده احنا حتى عاملين بتاع ده عالنت
اسمه ايه ده اسمه ايه مش فاكر والله
اللى هو الناس بتدخل تتجمع عليه ويكتبو مطالبهم
كان واحد محامى ابن حلال قالنا عالموضوع ده
مفيش دقيقه والسواق ابن الحلال ده لبس فى عربيه قدامه
وكل الكلام عن التغيييير اتحول لسيمفونيه من احلى الشتايم والصوت العالى والزعيق
واغنيه يا حبيبتى يا مصر  فى ثانيه بقت دقيقه حداد دقيقه حداد بتاعه الراجل اللى بيغنى فى المشاريع بس ده

نصيحه : محدش يركب مع سواق مشروع  بيشغل اغانى وطنيه

بونبونايه وكراميل وسلوفان

بونبونايه جواها كراميل ومتغطيه بسلوفان
الكراميل هو الحب
البونبونايه هى الاحترام والتفاهم اللى بيغلف الحب
السلوفان هو الارتباط الصح اللى بيغلف كل ده
لو الكراميل مش موجود هتبقى البونبونايه مش حلوه اوى هتبقى عاديه جدا
ولو البونبونايه متكسره الكراميل هيطلع بره وهيقل جوه وممكن ميبقاش موجود
ولو السلوفان مش موجود الدبان هياكل البونبونايه وهتبوظ وهيبقى خساره فيها تتلف بعد كده بسلوفان جديد

كلام مش لاقياله عنوان

20 / 1 / 2011

أحياناً
 أشعر أن الإبتسامه
 أصبحت صعبه
وإن إرتسمت
تكون على الوجه فقط
وأحيانا اخرى
اشعر أنى مثل
سحابه فى السماء
فراشه تتنقل بين الورود
من يتحكم فى ذلك
القدر أم نحن
ماذا يحدث فى حياتنا 
هناك عبثٌ ما
نفعله بأيدينا
يُحيل حياتنا
 الى ما هى فيه
عبثٌ لا نُدرِكه
إلا بعد وقت
أو بعد فوات الأوان
كنّا..
 وها نحن ..
وسوف نكون ..
كل شىء بأيدينا
نحن المتصرفين
ونفسنا فقط
هى التى تستحق اللوم
فلماذا إذا
نَعتب على الأيام
والليالى
والبشر
تعيش
تفرح أو تحزن
تحب أو تكره
تتزوج أو لا
تعمل كل دقيقه فى يومك
او تكون عاطلا طوال حياتك
تصلى أو لا تصلى
تسافر أو تبقى
كلها أُمور
انت وحدك من  يُقررها
لا أحد يقرر لك حياتك
فلا تلوم سوى نفسك فى النهايه

غالباً
يكون بيدنا الإختيار
ومع ذلك
نُسيء استخدامه
إما نفشل
ونلوم الإختيار
الذى هو إختيارنا من البدايه
مهما كانت الظروف والتفاصيل
وإما ننجح
 وننسب النجاح
لذكائنا
وحُسن اختيارنا
مع أن الحقيقه
فى الحالتين
الأمر بأيدينا
نجحنا او فشلنا
بإختلاف مقياس النجاح والفشل فى نظرنا

الحقيقه
دائما غير مكتمله
كالقمر فى طور المحاق
هناك شىء ينقصها
فكل ما ينتقل
كلمات
احاسيس
تعبيرات الوجه
دموع
اى شىء
 لا ينقل الحقيقه كامله
دائما هناك جزء غامض
مختفى بقصد وعمد
بداخل من يحمل الحقيقه
هو وحده
 من يستطيع ان ينقلها إليك كامله  
إذا أراد..
لو أصبحت أسير بقايا الحقيقه
لترى  القمر كاملا
ستعيش أسير البشر
منهم من سيقول
ومنهم من سيتلذذ بفضولك
ويتركك هكذا
ولن ترى القمر كاملا
لأنك وقتها
ستفقد بصيرتك
ولن يعنيك شكل القمر

انتظرك

12 / 1 / 2011

أنتظرك
يا من سأقضى معك
 أجمل لحظات عمرى
يا من ستقبلنى بجنونى
يامن ستأخذنى من العادى
الى عالم ملىء بالإختلاف
عالم جديد
به أجمل لحظات عمرى
التى  لم تأتى بعد
فهى ستكون معك

أنتظرك
ولا أتعجلك
فسعادتى فى تخيل أيامى معك
تحيينى
لكن لا تتأخر كثيرا
أرجوووك
فبدونك حياتى بلا حياه
قاتمه
بلا روح

أنتظرك
لنحقق أحلامنا معا
سنذهب سويا لمكان بعيد
مكان يكون لنا وحدنا
لأرض تبتسم
عندما تطأها قدمنا
شجر وزهر يتمايل
فرحا بنا
وبحُبنا

أنتظرك
لنبنى مدينه
جديده
بعيده
ليست فاضله
فنحن بشر
لكنها مدينه غريبه
ليس لها أبواب
ولا يوجد فيا حرس
يأتى إليها كل من يحب
يحب الحياه
الناس
الشجر
والمطر
لا توجد بها قيود
على الفكر
الفرح
او الضجر
لأن من يدخلها
يختارها
ولا يعلم انها قدر

أنتظرك
لنمضى سويا فى الطريق
وايدينا متشابكه
يملأنا الأمل والحب
تبتسم السماء لفرحنا
والهواء يجرى ليحتضننا
نسير غير مقيدين
بزمان
او مكان
 او بشر

أنتظرك
يا من تملك مفتاح سعادتى
فسعادتى تكمن
فى نظرتك
لمستك
كلمتك
بل وجودك فقط يرضينى

أنتظرك
أُغمض عينىّ وابتسم
و أثق انك ستأتى
لأن ثقتى بربى أنك لى
 تكفينى 

لا تتكلم

 9 / 1/ 2011



لا تتكلم
حتى لا يفقد الصمت معناه
فالصمت ليس معآناه
انه مدينه الأحلام
مدينه أحلامي صمتك
بها أحلى الكلام

لا تتكلم
فعيناك تحدثني
بكل ما  أتمناه  
فعيناك عالمي
الذي أخشاه
أجرى رغما عنى
 وأختبىء  بهما
فأنا أرى
بروحي
 وعينيك
كل الحياة

لا تتكلم
فانا أسمعك
نعم أسمعك
أتحدث معك
أشكى إليك
أعاتبك
 بلا حروف
بلا كلام

لا تتكلم
فما معنى الكلام
وما فائدة الكلام
في وطن ملّ من كثره الكلام

لا تتكلم
 فلن يسمعوك
وإن سمعوك فلن يفهموك

أتدرى...

 إن تكلمت

أضاعت الحروف

حلاوة معانيها

لا تتكلم

فليس الكلام

 سوى كلام

لن يغير واقعنا

فلن يغيره سوى الأفعال

لا تتكلم

حتى تبتكر حروفا جديدة

أكون أول من يسمعها

حينها فقط

سوف تتحقق الأحلام

بالكلام