مش عارفه ليه حاسه ان رقم 25 مهم فى حياتنا جدا
احنا جيل السبعينات والتمانينات والتسعينات
ثورتنا اللى اتسرقت كانت يوم 25
حتى سننا لما بيبقى 25 سنه بنحس بكميه مشاعر وأحاسيس جديده
بنحس ان فى أبواب بتتقفل وأبواب غيرها بتتفتح .. أو مبتتفتحش يعنى : )
أنا شخصيا فاكره انى لما كملت ال 25 سنه
واحده قالتلى هتحسى حاجات جديده جدا بعد الخمسه وعشرين
وقد كان ..
جايز نضجت فكريا ... مش أوى يعنى مش هكدب على نفسى وعليكو
حنين بيزيد للطفوله والبراءه وقله المسؤوليه
طاقه بتبتدى تروح وتخلص
روتين بيبتدى يزيد
احباط
عياط
طبطبه
ابتسامه .. وبرضه وجع
هدوء
سكوت .. خرس
عصبيه
حنين
حاجات بتعملها
لانها لازم تتعمل
وحاجات لازم تختفى
وحاجات بتروح وبتيجى وانت واقف بتتفرج
وطبعا زهايمر جه بدرى لكل جيلنا ..
حاجات كتييييير اوى بنحسها
بعد ال خمسه وعشرين
كل حاجه بتتغير
الا نظره أهلك ليك
بتفضل فى عينهم صغير
بعد ال خمسه وعشرين
كل حاجه بتتغير
الا نظره بلدك ليك
بتفضل فى عينها متولدتش أصلا ..
ملحوظه :
انا كملت 25 سنه فى نفس السنه اللى كانت فيها ثوره 25 يناير
ملحوظه كمان ( معلش استحملو ملاحيظى )
كل يوم فى حمله التدوين هكتب حاله او قصه عن حد بعد ال خمسه وعشرين
كل حمله تدوين وانتو طيبين :)
احنا جيل السبعينات والتمانينات والتسعينات
ثورتنا اللى اتسرقت كانت يوم 25
حتى سننا لما بيبقى 25 سنه بنحس بكميه مشاعر وأحاسيس جديده
بنحس ان فى أبواب بتتقفل وأبواب غيرها بتتفتح .. أو مبتتفتحش يعنى : )
أنا شخصيا فاكره انى لما كملت ال 25 سنه
واحده قالتلى هتحسى حاجات جديده جدا بعد الخمسه وعشرين
وقد كان ..
جايز نضجت فكريا ... مش أوى يعنى مش هكدب على نفسى وعليكو
حنين بيزيد للطفوله والبراءه وقله المسؤوليه
طاقه بتبتدى تروح وتخلص
روتين بيبتدى يزيد
احباط
عياط
طبطبه
ابتسامه .. وبرضه وجع
هدوء
سكوت .. خرس
عصبيه
حنين
حاجات بتعملها
لانها لازم تتعمل
وحاجات لازم تختفى
وحاجات بتروح وبتيجى وانت واقف بتتفرج
وطبعا زهايمر جه بدرى لكل جيلنا ..
حاجات كتييييير اوى بنحسها
بعد ال خمسه وعشرين
كل حاجه بتتغير
الا نظره أهلك ليك
بتفضل فى عينهم صغير
بعد ال خمسه وعشرين
كل حاجه بتتغير
الا نظره بلدك ليك
بتفضل فى عينها متولدتش أصلا ..
ملحوظه :
انا كملت 25 سنه فى نفس السنه اللى كانت فيها ثوره 25 يناير
ملحوظه كمان ( معلش استحملو ملاحيظى )
كل يوم فى حمله التدوين هكتب حاله او قصه عن حد بعد ال خمسه وعشرين
كل حمله تدوين وانتو طيبين :)
هناك 34 تعليقًا:
في حاجات بنمر بيها او بتمر بينا وكل شئ في هذه الدنيا بقدر المهم اننا نتعلم من جميع المواقف والتجارب اللي بنمر بيها
اول زيارة لمدونتك ان شاء الله مش هاتكون الاخيرة واكون من المتابعين باستمرار
رائعه جدا فكرتها حلوه بس انا لسه مكلمتش ال25 :D
حلوة جدا فكرة سلسلة بعد ال 25 دي .. وانا مستنيه كل حالاتها وقصصها .. يا مساء البدايات الكويسه :)
لما وصلت ل 25 اكتشفت انني لازلت ذلك الطفل الكبير و باحاول انتقل لمرحلة الشيخوخة بالغصب :)
ابتكار جديد ولو اني من مؤيدي الرقم 24 ومش عارف ليه
كنت أنتظر ال18 بفارغ الصبر ومر على سنوات أربع ولم يحدث في حياتي أي شيء جديد
تسلمووووووووووووولى يارب على كلامكو الجمييييل
باذن الله اكون عند حسن ظنكم الجميل
والقصص تكون لذيذه :)
بداية جميلة
واختيار أجمل
أنتظر تدويناتك بشغف :)
أماني
دايماً بنستنى فترة عمرية .. أنا استنيت الـ 21 و الـ 25 و دلوقتي باستنى الـ 30 .. كنت معتقدة إن السن لوحده بيفرق
بس اكتشفت إني لازم أعمل حاجة دايماً عشان ألاقي اختلاف وحاجة جديدة ..
حلو الربط بين السن و الثورة :)
عاشقه القمر .... مساء الفل :)
أمااااانى .. منورانى يا حبيبتى .. وانا كمان منتظره تعليقاتك بشغف :)
شريف ... كويس علشان لما تكمل ال 25 تبقى عارف بيحصل ايه :)
أسماء على
اسعدنى مرورك جدا
وتعليقك
منورانى
محمد البرقى .. كلنا هذا الرجل :)
طاقه بتبتدى تروح وتخلص
انا كمان كملت ال 25 سنة 2011 ومولودة يوم 25 سبتمبر بقى :)
يا رب بالتوفيق وحملة موفقة ان شاء الله
زمان وانا لسه بضفاير كنت بحلم باليوم اللي هكمل فيه 25 سنه وكنت بحسب امتى هيبقى عندي 25 سنه
وكملت ال 25 سنه
وبقيت احلم ارجع بنوته بضفاير تاني
اكبر همومها لعبه
مبسوطه بوجودي هنا :)
سلمى .. منورانى يا جميل :)
شذى :)
انا اللى مبسوطه بوجودك هنا يا جميله
يسلم مرورك
تابعينى بقى دايما :)
تتصورى انا كمان عندى نفس الاحساس بنفس السن ده هههههههه اظاهر انه فعلا مهم
بس جميله ربنا يوفقك
ايون يا نونا .. شفتى بقى :)
منوره يا جميل
الحمد لله لانى كنت فاكر ان دى شعور فردى ولكنى تاكد اليوم انه شعور جيل باكمله للاسف تواجد فى ظل تغيرات سريعة ومتلاحقة وهو لا يملك سوى المشاهدة
فل يا تامر
اهو طلع احساس موجود عند ناس كتير
تابعنى بقى ومستنيه رأيك :)
اولا وحشتينى جدا جدا جدا يعنى
وعجبتنى فكرة ال 25 برغم انى مش كملتهم
لسه ومش عايزة اصلا هههههههه
بس خلتينى احس انه سن مميز وحاجة جميلة
هستنى بقيت حالاتك وقصصك بشغف
بداية مميزة ورائعة زيك يا حبيبتى :)
وحشنى بجد وجودك هنا يا ساره :)
حياتنا اصلا كلها مراحل بنخلص من دى ندخل على دى
وانا صغيره كان بالنسبه ليا لما اوصل ل 25 سنه دى يبقى انا كده كبرت اووى وهاعمل حاجات مختلفه كتير فى حياتى
منها ان صغرى بقول مش هاتجوز الا لما يكون عندى 25 سنه وادينى فى انتظار انى اوصله :)
حبيت كمان اوووى فكره انك كل يوم هتكتبى عن حالات بعد 25
فى انتظار تدويناتك :)
اولا بيجدافتقد وجودك هنا
وافتقد تدوينك مع ان كان في تعويض
من خلال الفيس بس دايما احس البلوج لي طابعه الخاص
الفكرة حلوة وانا لسه في مقتبل ال 21 سنه فمعنديش خلفيه وبصراحه صفحه مليون صعب اوى اوصلها:)))))))
بس مستمتعه ان هيكون عندى خلفيه من خلالك هبقي اجهز نفسي فيها لسن ال 25 سنه ^_^
سعيده انى مررت من هنا :)
يويتى الجميله
انتى كمان وحشتينى جدااااااااااا بجد
مبسوطه انك هنا عندى يا جميله
وهستنى دايما رأيك فى اللى بكتبه :)
بحبك فى الله
بنت من الزمان ده
:)
مبسوطه انك هنا يا جميل
انا كمان هستنى تعليقاتك ورأيك :)
رووووووووووووونى ... منورانى يا جميله :)
يلا خدى خبره بقى علشان لما توصلى لل 25 تلاقى نفسك جاهزه لاستقبال كل شىء واى شىء
أنا معنديش أي مشاعر من أي نوع تجاه الـ25
هو ده عادى؟! :D
مبسوطة إنك هترجعي تدوني كتير تاني
منوراااانى يا لبنى يا جميله
مش عارفه ده عادى ولا ايه يا لبنى
بس دايما بلاقى الناس بعد ال 25 حالتهم مختلفه
يمكن علشان احساسى انا كمان قوى جدا بالسن ده
:)
ياه يا سارة
فكرتيني بنفسي لما كملت الـ25
يجي من 17 سنة كده P:
كانت أيام
بس عندك حق في كل كلمة قلتيها
بعد ال خمسه وعشرين
كل حاجه بتتغير
الا نظره أهلك ليك
بتفضل فى عينهم صغير
بعد ال خمسه وعشرين
كل حاجه بتتغير
الا نظره بلدك ليك
بتفضل فى عينها متولدتش أصلا ..
تسلمي
مستنين المزيد بقى ^_*
اسلوبك العامودي في الكتابة ده تحفة
بتسردي الكلام بطريقة متخليش القاريء يزهق
وكمان واقعية الكلام ممتازة
احييكي بشدة
احب اقولك انى حاسة بكل كلمة ف البوست لأنى انا كمان كملت 25 فى سنة الثورة
فكرة الحمله عندك حلوة اوى وعجبتنى
دمتى بنوتة شقية .. محبوبة :)
إرسال تعليق