الاثنين، 4 يوليو 2011

تخــاريف وعـىّ

نفسى اجرى عليك
اعيط بين ايديك
اقولك ارجوك كفايه قسوه
كفايه سكوت
كفايه
محتاجالك
ده اكتر وقت محتاجالك فيه
وانت عارف ده
لكن لا
مينفعش
انت متنفعش
ايوه بحبك جدا بس متنفعش
انت بتهرب
وانا بخاف من الناس اللى بتهرب
لانها بتتعود تهرب
فى اى حاجه فى حياتها
مش هلاقيك جنبى
فى كل حاجه انا هبقى محتاجالك فيها جنبى
انا بخاف من الهروب
ممكن اكون متعقده منه كمان
كان نفسى تقدر
تحسسنى بالامان ومخافش منك
بس انت مش هتقدر
ايوه مش هتقدر
انت بتقدر تضحك وانا موجوعه
يبقى ازاى هتحس بوجعى
بتقدر تفرح وانا حزينه
بتقدر تكون مرتاح ومش شايل همى
يبقى ازاى هتطمنى 
عمرك ما قدرت تواجه نفسك
ازاى هتقدر تواجهنى 
بس خلاص
 انا كمان ههرب
مش هديلك فرصه
توجعنى  تانى

هناك 11 تعليقًا:

زوووو يقول...

اولا انا بعيط
ثانيا العنوان فظيع
ثالثا انتى ممتازة ونضجتى جدا ف الشهر اللى فاتت
رابعا وصفتى اللى جوايا وضغطتى على كل جروحى ومش عارفة اقول حاجة تانية غير ان كلامك فى محله يا سارة
واشجعك عليه

غير معرف يقول...

هي فكرتها جامدة اوي وواقعية اوي بس بصراحة حاساكي مش مندمجة وانتي بتكتبيها او بمعنى ادق تقدري تكتبي بأسلوب أجمل كتير
ربنا يوفقك دايما يا قمر ويثبتك وييسرلك ما فيه الخير دايما يا رب
أماني

ساره جمعه يقول...

ربنا يخليكى يا زووو
انا اسفه انى خليتك تعيطى
بس انا فلا كاتبه الكلام من جوايا اوى يمكن علشان كده انتى حسيتيه اوى
بحبك اوى

ساره جمعه يقول...

بالعكس يا منمنتى ده انا كاتباها بكل اندماجى
واول كتابه نشرتها على طول محاولتش اعدلها
علشان تبان على طبيعتها
تسلميلى يا حبيبتى
بحبك

Bent Men ElZman Da !! يقول...

حستها اوى منك يا ساره
بتقولى موقف حساه وعايشاه
عشان كده وصلتلى منك بسرعه
الهروب من اى حاجه صعب
والمواجهه اصعب
بس لو هربنا من كل حاجه مضايقانا عمرها ما هتنتهى

Mahmoud Ahmed يقول...

احساسها حلو و مؤلم
و على الاقل لي ايضا

ساره جمعه يقول...

@bent men elzaman da
الهروب فى حالتى طارىء ومش اساسى فى حياتى
ده رد فعل قاتل بالنسبه ليا بس علشان مفيش غيره
نورتى التدوينه يا بنوته :)

ساره جمعه يقول...

@سبايدر مان
أأسف للألم .. غير مقصود والله يا جماعه
شكرا ليك لمرورك
:)

زهرة الضحا يقول...

كان نفسي اقوله كده
و نفسي أعمل كده

رائعه رائعه رائعه

تحياتي

Radwa Ashraf يقول...

أكتر من رائعة .. فيها أحاسيس كتيرة أوووى

غير معرف يقول...

جميله جدا يا ساره
احيانا الهروب بيكون حل كويس
بس متهيالى ان الواحد لو بعد فتره بيقدر يقيم الامور
من غير هروب ولا حاجه ^_^