الثلاثاء، 21 سبتمبر 2010

البقاء لله


البقاء لله



ماتت بلدنا


وكان من يومين


الاربعين بتاعها


صوتو صرخو عيطو


بس كمان اضحكو


اصل حاميها حراميها


واللى قتلها مشى فى جنازتها


ولعزاها نصب صوانها


سرقها ونهبها وقتلها


وقال الحقوها مش عارف مالها


جرينا عليها


نلحق اى حاجه فيها


لقيناها فى اخر نفس ليها


ماتت


والله ماتت


واحنا واقفين متنحين قدامها


لا عرفنا نلحقها


ولا حتى حاسبنا اللى قتلها


قعدنا نعيط


نولول


نصوت


ده حتى ما جاش على بالنا ندفنها


وطلعت ريحتها


قرفنا وجرينا


وجه اللى قتلها


وقال ابنى اهو


مافيش زيه اهو


جبته ينجدها


قلناله ماتت


راحت


ضاعت


قال لا دى بس غيبوبه شويه


وحتفوق منها


وانا ابنى اللى هو


حيعرف يغيثها


يقيمها


ينجدها


واصل الحكايه


لا كل الحكايه


انه عاوز يدارى


فضيحته فى عياله


فقال ابنى منى


حيستر عليا


هناك 6 تعليقات:

omnia يقول...

bgd klam to7fa
tslm edik
ana lsa gdeeda f elblog bta3tk b2ally kam youm bs b2ralk kol gdeed wklamk bseet w lzeez awi
rbna ywf2k ya 2mraya

ساره جمعه يقول...

بجد بفرح لما بحس ان اللى طالع من جوايا وصل ليكو ولقلبكو
مبسوطه بكلامك يا جميل
تسلمى وتابعينا حتلاقى كل الجديد

عمرو يسرى يقول...

كلام جميل تحفه
تسلم ايدك

ساره جمعه يقول...

تسلم يا عمرو
شكرا كتير

يسرا يقول...

طيب ما يمكن تكون صح مجرد غيبوبه هو اللي بايده ينجده نسيبه يحاول يمكن ما احنا مش عارفين ولا دكاتره نسيبوا يحاول ولو ما عرفش نقولوا خلاص انت مش عارف تساعد عايزين غيرك

يسرا

ساره جمعه يقول...

هو الموضوع بالسهوله دى يا يسرا
ما ابوه جرب وخربها
وممشاش لما قلنا عاوزين غيره