الذكريات ولا الواقع ؟

لما عمرك وسنينك وكل ايامك تبقى فى ذكرياتك عباره عن شوارع ولما تمشى فيها تفتكر مشيت فيها امتى ومع مين وكنت وقتها قد ايه وريحه لما تشمها تفتكر اشخاص ووقت معين فى عمرك بكل تفاصيله ولما تاكل اكله بقالك كتير مكلتهاش الا مع حد معين وتفتكر الايام دى والحد ده والمكان اللى كنت فيه ولما يعدى عليك مناسبه او يوم وتفتكرها لما كانت بتعدى عليك كل سنه وايه اللى بيحصل فيها ومع مين وكل التفاصيل الصغيره ولما شريط حياتك يعدى فى بالك وانت ساكت وسرحان تفتكر حاجه تخليك تبتسم وحاجه تانيه تخلي عنيك تدمع وتحس كانك بتسمع موسيقى تصويريه هاديه ونسيم البحر بيخبط فى وشك وحاجه تخليك تقول ياريتنى وحاجه تخليك تقول الحمد لله وايام يبقى نفسك ترجع تعيشها تانى لانها احلى ايام فى عمرك وايام تانيه نفسك ترجعها عشان تغير كل اللى عملته فيها وكل تصرفاتك وقتها وتفتكر ناس عدو عليك فى حياتك نفسك ترجع تشوفهم تانى وناس اتعلمت منهم وناس عرفتهم على حقيقتهم وناس وناس تغمض عنيك وتتنهد اوى وفى عنيك دموع مش عارف هى دموع ندم ولا حيره ولا حزن ولا فرح ولا حنين ولا ايه بالظبط وتفتح عنيك وتفتكر انك فى الواقع اللى لازم تعيشه وان فى ناس حواليك وحياه جديده مستنياك تعيشها صح عشان مترجعش فى يوم تندم على حاجه فيها بس ياترى فعلا ؟؟ احلى يوم لسه معشناهوش ولا خلاص عشناه وبنحاول نقنع نفسنا اننا لسه معشناهوش حلاوه روح يعنى

ليه كده؟؟؟

ليه لما حد يقرب من حد يبعد ولما يبعد عنه يلا قيه بيقرب ليه الناس مش بتحس بقيمه الحاجه اللى فى ايدها الا لما تضيع منها ليه الناس كلها بقت شايفه نفسها صح وليه دايما يكون رد الناس الله يخرب بيتهم بوظو البلد مع ان الموضوع مالوش اى علاقه بالبلد ليه الناس الصبح بتشغل قران وبالليل تشغل قران وطول النهار هلس ومسخره حاجه كويسه ان الناس تبدا يومها وتنهيه بالقران بس ليه فى النص كده ليه الواحد لما بييجى الدنيا بيصوت ولما بيموت بيصوتو عليه ليه لما تكلم حد صاحبك بقالك فتره مكلمتوش يقولك يااااه كنت على بالى حالا ولسه كنت كلمك ليه لما تبقى مستعجل المواصلات تبقى بطيئه ولما تبقى فاضى توصل بدرى ليه لما يبقى في حد طيب الناس بتستغل طيبته عشان عارفين انه بكلمه حيروق ويبقى زى الفل ليه بنقول كتير اوى كلمه معلش مع انها المفروض تتشال من القاموس لان ملهاش اى معنى لما تتقال لحد ما يتوجع ليه الناس بقت بترد ردود تحتمل الف معنى مع ان التوضيح سهل ومريح ليه دايما بنعلق على اخطاء اللى قدامنا وبيبقى فينا نفس الغلط ومش واخدين بالنا ليه ياترى كل ده

الانطباع الأول

الانطباعات الاولى تدوم؟؟؟ولا فى كل مره الانطباع بيختلف وكام مره خدت انطباع عن حد من اول مره وطلع غلط وكام مره طلع صح لو الانطباع الاول دايما هو الصح مكنش حيبقى فيه كلمه صدمه فى حد لانه حيفضل دايما زى اول مره لكن الصدمه معناها انه ظهرلك منه فجاه وش تانى غير اللى قدامك واللى شفته اول مره وبتتصدم وبعدها تفهم الحقيقه وهل فى ناس ممكن تخدعنا بانطباع هى عاوزه توصلهولنا يعنى يبقى للشخص كذا وش ويلبس كل وش فى الموقف اللى يناسبه وهل ده صح ان الواحد يتعامل مع كل واحد زى ما بيعاملهولا الصح ان الانسان يتعامل زى ما هو بشخصيته مع كل الناس ازاى فعلا ناخد انطباع عن حد ؟وبعد كام مره نقدر نقول راينا فيه ونحكم عليه والمفروض نعمل ايه عشان منتصدمش فى حد ؟؟؟

اللهم اجعله خير

ذهبت للنوم مبكرا حتى اتمكن من الاستيقاظ لصلاه الفجر وبالفعل استيقظت بعد محاولات امى المستميته لايقاظى ومحاولاتى الجاهده للاستغراق فى النوم مره اخرى قمت توضات وصليت والغريب ان النوم طار من عينى تماما وفضلت الجلوس حتى الصباح وكما يقولون انه عندما نبدا اليوم بعد الفجر تحل علينا البركه دخلت الى البلكونه اشم هواء الصباح الخالى من اى فساد والملىء بالاكسجين النقى الذى يجعلك تشعر ان اليوم سيكون رائع باذن الله جلست على كرسى وسندت راسى على السور مثل الاطفال انظر للشارع والناس وقلت فى نفسى سبحان الله كل هذه الناس تستيقظ مبكرا ناس كثيره رجال وسيدات قررت ان انزل انا ايضا الى الشارع مبكره هذا اليوم ولتكن مغامره واسير فى الشارع لارى الناس وايضا لاغير من الروتين اليومى نزلت وكان اول نور للصباح بدا يظهر رايت الناس كثيره وكلها مليئه بالنشاط والحيويه وكل المحلات تفتح ابوابها وكل منهم يدعى الله ان يوسع رزقه اليوم ويشكره على ما هو فيه والعامل يكنس الشارع مع انه كان نظيفا جدا ولا يوجد به ورقه واحده ولا حتى يوجد طوبه واحده مكسوره ورجل اخر ياخد بيد عجوز ليركبه معه سيارته ويوصله وركبت المواصلات كالعاده ولكننى ولاول مره لم اقل لاحد( اطفى السيجاره لو سمحت )قلت فى نفسى --لو الدنيا حلوه كده انا حنزل كل يوم بدرى لم ارى اى احد يدخن والسائق ولاول مره كان فى منتهى الهدوء والطيبه مع الناس كل الناس كانت بشوشه وعلى وجهها الرضا والصفا وكان لا شىء يعكر صفوهم ولا ينغص عليهم حياتهم حتى البحر كان هادىء وجميل والشمس ظهرت تنير الدنيا كلها والاطفال تذهب الى المدارس فى هدوء ونظام لم اره من قبل رايت الناس كلها نظيفه هادئه منظمه على غير العاده سمعت احدهم فى المواصلات يقول انه سعيد جدا ويشعر براحه لم يشعر بها منذ زمن ورد عليه صديقه يقول له ...عندك حق والله يا حاج فاروق ده كان هم وانزاح من على قلبنا فرد عليه عم فاروق ....اهو من ساعه ما المخفى مشى وجه الراجل الصح ده للى احنا اختارناه والدنيا بقت زى الفل والحمد لله الانتخابات عدت على خير والناس اللى كانت بتاخد رشوه عشان تزورها اتمسكت وكله بقى فى السليم وكلنا قلنا راينا بصراحه والى عاوزينه هو اللى اتعمل ولا حد اتمسك ولا اتضرب وكله بقى ميه فل وعشره هززت راسى لا اصق ما اسمعه نهائيا ولكننى فرحت لان لو هذا سيكون حالنا وحال البلد فسيكون شىء عظيم ولكن الفضول جعلنى اتدخل فى الكلام واسال الحاج فاروق سؤالا تنبهت قبل ان اساله انى لو سالته سيلقينى باى شىء فى وجهى او سيقول عنى انى ..نايمه فى ميه البطيخ او فى اى ميه تانيه يعنى ففكرت فى حجه قويه اقولها له حتى يرد على سؤالى سالته .... هى الانتخابات كانت امتى يا حاج؟؟ قالى ...نعم هو حضرتك منين من المريخ قلتله .... معلش يا حاج اصلى كنت مسافره بره ولسه راجعه بقالى يوم بس قالى ... ااااه الانتخابات كانت من شهرين وبقينا اهو فى نعيم قلتله .... ما يمكن يا حاج الغربال الجديد له شده بس قالى ....لاااا ده انتى متعرفيش الناس مبسوطه ازاى ومرتاحه ازاى وكله بقى عاوز يعمل اى حاجه عشان نبقى احسن من كده كمان ولو حضرتك قاعده معانا شويه حتشوفى اللى حصل واتغير قلتله طيب الحمد لله يا حاج ربنا يستر ولقيت نفسى بقول للسواق على جنب ونزلت كنت متعجبه ومندهشه وكل كلام الاستغراب لا يكفى ما كنت فيه اين كنت انا من كل هذا؟؟؟ وماذا حقا سيحدث بعد ان تغير كل شىء ؟؟؟ والواقع اصبح بهذا الجمال ؟؟ بعد ان كان اسوء ما يكوون فى عز تفكيرى هذا وجدت سيده تربت على كتفى وتنادى على تلفت ارى ماذا تريد وجدتها امى ووجدت نفسى على الكرسى فى البلكونه وتاخرت جدا على عملى اللهم اجعله خير

حوار مع النفس !

عندما راته لاول وهله جذبها شىء غريب ناحيته اصبحت اسيره له وقلبها امتلا بحبه يوما وراء يوم وهى تتعلق به تعلقا شديدا وهو لا يعلم بامر حبها شيئا وهى حائره لا تعلم هل هناك احد فى حياته ام هى مجرد ظروف ام لا يشعر بها مطلقا قالت لى ... احبه واتعلق به يوما عن يوم وهو لا يعلم قلت لها .... هذا وهم ولا بد ان تفيقى فهو لا يبادلك ما تشعرين قالت لى .... تحكمين على بالموت قلت لها .... الموت حقا فيما انتى فيه الان قالت لى ....لا امل فى ان يشعر بى ؟؟ قلت لها .....حتى لو هناك امل فانت بحبك له ضعيفه قالت لى ....الضعف فى الحب قوه قلت لها ....والحب من طرفك فقط وبدون امل فى اى شىء ضعف ولو شعر هو بضعفك وحبك له سيكون اقوى عليكى قالت لى .... هو لا يظهر ما بداخله احيانا اشعر انى مميزه واحيانا اشعر انى لا شىء قلت لها ....لقد قلتى الحق بنفسك وان وقت ان تقوى قلبك وتفكرى بعقلك قالت لى ......انتى لا تعرفين فهو بالنسبه لى كل شىء قلت لها ....وانت له لا شىء قالت لى .....عندما انظر له أرى فيه كل المستقبل قلت لها ....وهو لو نظر اليكى لا يرى فيك اى شىء قالت لى .... كفاكى قسوه على قلبى فهو لا يحتمل قلت لها .... اقسو انا عليكى حتى تفيقى اهون من قسوته هو عليكى قالت لى .....لا اعرف ماذا افعل وما العمل قلت لها ....حاولى ان تنظرى اليه كباقى الناس لا تجعليه مميز فيوجع قلبك فراقه ولا تجعليه لا شىء فانت لن تستطيعى قالت لى .....ولا استطيع ان انظر اليه كباقى الناس قلت لها .....ما قولك وفعلك لو هو لا يفكر فيك مطلقا قالت لى .....لماذا نفترض هذا قلت لها ......وايضا من الممكن ان يكون يفكر بغيرك قالت لى ..... كفاكى لا اريد ان اسمع كلام كهذا قلت لها .... لا بد ان تكونى واقعيه جميل ان تحبى شخصا ويملا قلبك ولكن احبى بعقلك وقلبك معا لا توقفى عقلك لمجرد احساس جميل فى القلب قالت لى ..... ما جذبنى هو عقله وتفكيره فكيف انا لا افكر بعقلى قلت لها ....ما جذبك عقله ولكن ما انجذب منك هو قلبك ومشاعرك قالت لى ......تعبت حقا من التفكير والنقاش ولا اعرف ماذا افعل قلت لها .....لابد وان لا تفكرى فيه اعطى لعقلك فرصه ان يفكر ولو ليوم واحد حتى توازنى بينه وبين قلبك فكرى انه لا يفكر بك مطلقا بل من الجائز ان يكون يفكر بغيرك قالت لى ....كلامك مؤلم جدا ولكنه واقعى ولابد ان افكر فيه جيدا حتى ارتاح مما انا فيه سافكر يومين ولا بد ان اصل لقرار باذن الله وسابلغك به تركتها تفكر وبعد ان مر اسبوع كلمتنى وقالت لى...... لقد فكرت جيدا فى كلامك وانتى على حق فى كل ما قلتيه قلت لها ......رائع انك اقتنعت ولكن ماذا ستفعلين الان قالت لى ....ساقسو على قلبى وعقلى حتى لا افكر به وبالتدريج سيقل تفكيرى به حتى يكون بالنسبه لى كاى احد او على الاقل لا بد ان لا يشعر باى شىء من ناحيتى حتى انساه تماما قلت لها .... لا تحزنى فالله معك وسيقدرك على ذلك قالت لى ... كنت حقا اتمنى ان اكون كل حياته ومستقبله قلت لها .....هناك اشياء كثيره فى حياتنا تؤلمنا جدا فى وقتها ولكن عليك ان تقفى كل فتره مع نفسك وقفه تحاسبيها فيها على كل ما مضى وما يجب عليكى الاستمرار به وما يجب عليك ايقافه فورا وهذه وقفه مع النفس

ايه هو الحب؟؟

الحب .. ايه هو الحب ويعنى ايه كلمه حب وازاى تعرف انك بتحب هو كلام حلو وجميل وشعر واغانى وشويه كلام فى الحب ولا فرحه وشوق ولهفه وخوف على حد واحساس جميل فى القلب ولا غيره بجنان وحب امتلاك وقسوه وجرح وهوه ده يبقى حب؟؟؟ ولا هوه قلب حنين تشكيله وتحكيله ويطبطب عليك وقت ما الدنيا تشد ولا عقل بيفكر صح ويدرس ويخطط ويرتب لكل خطوه بجد الحب هوه هو من زمان ولا اتغير ومبقاش زى ما كان دخلت فيه الظروف والخوف خلته يبقى دبلان ما هو ازاى يعيش الحب وسط كل اللى احنا فيه لازم الناس تتغير عشان يلاقو مكان وسطيه ما هو الحب عالم لوحده ولازم اللى يقدره عشان يقدر يعيش فيه

لازم نتغير

قعدت فكرت شويه وسرحت شويتين

لقيت نفسى اتعلمت حاجات كتير بس فى شهرين

عشان بجد كنت عاوزه اغير حاجات فيا

واتعلم حاجات واكسر بقى الروتين ده شويه

لقيت نفسى فعلا اتعلمت حاجات كتير

وبقيت بفكر احسن

وبقيت اقوى واشطر

بس برضه فيا شويه حاجات

مش عاوزه تتغير

بس الحمد لله فى تطور

فكرت كمان ازاى كنت معنديش امل فى اى حاجه

ولما فكرت وقررت غيرت فى نفسى مليون حاجه

وده عشان انا كنت عاوزه اتغير للاحسن

مفضلتش واقفه فى مكانى وقلت كده احسن

طبعا بيعدى عليا لحظات احباط زى كل الناس

بس لازم اقوم من تانى ومعملش زى ناس

اول ما تقع مره تقول كده خلاص

مش حقدر اقف من تانى ما انا خلصت خلاص

لازم نقف من تانى وربنا يبقى معانا

ما هو النجاح يستاهل اننا نتعب الفشل ويانا

فرحتك لحظه نجاحك تسوى الدنيا وما فيها

جربها صدقنى وابقى ادعيلى يوميها