أكياس الحلوى .. وحلم لن يتغير

قبل الخامسه والعشرون 


هى طفله بكل المقاييس 


تعشق البهجه 


الصحو مبكراً 


إيقاظ والدتها 


رغم عدم حاجتها لها 


سعادتها ليس لها مثيل .. 


اذا صنعت لها أُمها بعض الساندوتشات 


وأعطتها بعض الفكه للمواصلات 


تغضب لأتفه الاسباب 


تثور 


تلقى بأى شىء أرضا 


تدبدب بأرجلها 


تهدأ 


تبتسم 


أجمل هديه تُعجبها 


هى بعض الحلوى 


وياحبذا لو كانت 


شوكولاته بالبندق 


كيس من الحلوى 


لا يتعدى سعره العشره جنيهات 


من الممكن ان يجعلها سعيييده 


لأسابيع 


وتحكى وتتحاكى به 


تحتفظ بالأوراق الفارغه 


تُصورها 




بعد الخامسه والعشرون 


مازال كيس الحلوى 


هو الذى يسعدها 


حتى ولو أحضرته لنفسها 

رســـائــل .. قيـد الإنتظــار

قبل الخامسه والعشرون                                                                       

يجمعهما  يوم الميلاد نفسه
واشياء اخرى  كثيره مشتركه

حب منذ الطفوله
نفس الدراسه
..
..
..
تزوجا من عده أشهر  : ) 

بعد الخامسه والعشرون

أول رسائلها له
كانت تكتب بدون تفكير
تكتب اوراقا كثيره
بخطوط مبعثره
غير متناسقه
كلمات حب ..
مقاطع اغنيات ..
ترسم أشياءاً ..
تسترسل
لدرجه ان يداها تؤلماها من كثره الكتابه
تبعث رسالتها وتبتسم
ولا تنتظر الرد

ثانى رسائلها
هى لم تنتظر رداً
ولكنها
كانت تتمنى لو يرد
كتبت من جديد
كلمات أقل من رسالتها السابقه
بداخلها هاجس
هل لم يقرأ رسالتى ؟!؟
كتبت وكتبت
كلمات حب
مقاطع أغنيات
ترسم أشياءاً
تسترسل
لدرجه ان يداها تؤلماها من كثره الكتابه
تبعث  رسالتها وتبتسم
ولكنها هذه المره .. إنتظرت الرد

ثالت رسائلها
انتظرت الرد
 وأيضا
لم يرد
كتبت
كلمات مُحمله بالألم
كلمات مقتضبه
جمل قصيره
لم تكتب مقاطع أغنيات
لم ترسم أشياءاً
لم تسترسل
يداها لا تؤلمها .. لأنها لم تكتب كثيرا
ما يؤلمها هذه المره
هو قلبها
بعثت رسالتها
لم تبتسم

رابع رسائلها
أيضا لم يرد

خامس
سادس
سابع

جائها ساعى البريد برسائلها مره أخرى
قائلا أنه لا يوجد عنوان على كل رسائلها
فتحت الخطابات ..
قرأتها ..
 بكت ..
فقدت وعيها ..

أفاقت على سرير بمستشفى نفسيه..
 مصابه بصدمه عصبيه
فهى تُعالج  بها منذ وفاه زوجها

توفى يوم  ان أكملا عامهما السابع والعشرون ....

                                                         

حيث البدايات .. فقط

قبل الخامسه والعشرون

تحيا مُسيّره مئه بالمئه

وحينما قررت أن تختار ...

بعد الخامسه والعشرون 

حيث اللا إحساس

واللا هويه فى الحياه

أصبح مسيطراً عليها  بشده

تحاول ان تصنع حياتها

نجاحاتها

فشلها

تجاربها

لا تعيش الأحداث

ولكن الأحداث تعيشها

يتمكن منها القلق

الخوف

النسيان

فتعيش  حياه ليس بها اى طعم

فهؤلاء الثلاثه  .. قادرون على جعل الحياه

بائسه الى أبعد حد

قلق ... يجعلها لا تعيش اللحظه

وخوف ...  يجلها تخشى المستقبل

ونسيان  ... يجعلها تنسى ما مضى

حتى لو كان جميلا

أسوء ثلات أشياء يمكن أن يُبتلى بهم إنسان
على هذه الأرض

قالت لها صديقتها  ذات يوم

أحسدك على بداياتك المتجدده دائما

فهى دوماً ما تبدأ أشياء جديده

علاقات

عمل

صداقات

احاسيس

ولكن صديقتها  لم تلحظ

انه مع هذه البدايات الدائمه التجدد

يوجد تفاصيل

لم ولن تستطيع ان تعيشها كامله

فهى تأخذ من كل شىء .. شىء

تبحث دائما عن الأفضل

وتناست تماما

أن الأفضل .. من الممكن .. أن  يدوم وجوده ..

قبــل ... وبـــعــــد

 قبل الخامسه والعشرون 

هى .. بريئه حد السذاجه المفرطه
حاده التصرفات والطباع
إما مبتسمه من القلب
او حزينه من الاعماق
تعطى كل شىء حقه
خصوصا البكاء
تكره الظلم لأقصى درجه
يوجعها الظلم .. حد الصمت
تنتظر دائما أشياء مبالغ فيها
من جميع الأشخاص
كلها أشياء معنويه
لأنها دائما تُعطى
بطريقه مبالغ فيها
سقف توقعاتها فى الآخرين
دائما مرتفع
حتى تفاجأ بأنه ينهار عليها
تعيش الصدمه
تكتئب
تنفصل عن العالم
تعود من جديد
 تعيد الكره مره اخرى
وكأن شيئا لم يكن
ولو أخبرتها ان تأخد حذرها
أن تُخفض سقف توقعاتها
أن تتأنى فى تعلقها بالبشر
تقتنع بان الناس ليسو سواسيه
فى القلوب
ابتسامتها لا تفارق وجهها
ومحبه الناس لا تفارق قلبها
                                                                                             


بعد الخامسه والعشرون

هى .. تحاول أن تعود كما كانت  ....

الحياه بعد الـ .. خمسه وعشرين

مش عارفه ليه حاسه ان رقم 25 مهم فى حياتنا جدا
احنا جيل السبعينات والتمانينات والتسعينات
ثورتنا اللى اتسرقت كانت يوم 25
حتى سننا لما بيبقى 25 سنه بنحس بكميه مشاعر وأحاسيس جديده
بنحس ان فى أبواب بتتقفل وأبواب غيرها بتتفتح .. أو مبتتفتحش يعنى  : )
أنا شخصيا فاكره انى لما كملت ال 25 سنه
واحده قالتلى هتحسى حاجات جديده جدا بعد الخمسه وعشرين
وقد كان ..
جايز نضجت فكريا ... مش أوى يعنى مش هكدب على نفسى وعليكو
حنين بيزيد للطفوله والبراءه وقله المسؤوليه
طاقه بتبتدى تروح وتخلص
روتين بيبتدى يزيد
احباط
عياط
طبطبه
ابتسامه .. وبرضه وجع
هدوء
سكوت .. خرس
عصبيه
حنين
حاجات بتعملها
لانها لازم تتعمل
وحاجات لازم تختفى
وحاجات بتروح وبتيجى وانت واقف بتتفرج
وطبعا زهايمر جه  بدرى لكل جيلنا ..
حاجات كتييييير اوى بنحسها

بعد ال  خمسه وعشرين
كل حاجه بتتغير
الا نظره أهلك ليك
بتفضل فى عينهم صغير
بعد ال خمسه وعشرين
كل حاجه بتتغير
الا نظره بلدك ليك
بتفضل  فى عينها متولدتش أصلا ..

ملحوظه :
انا كملت 25 سنه فى نفس السنه اللى كانت فيها ثوره 25 يناير
ملحوظه كمان ( معلش استحملو ملاحيظى )
كل يوم فى حمله التدوين هكتب حاله او قصه  عن حد  بعد ال خمسه وعشرين

كل حمله تدوين وانتو طيبين :)

جهـــــاد

نفسى اقابلها صدفه

تفتكرو هتعرفنى

متقابلناش من 11 سنه

بس اكيد شكلنا متغيرش

يمكن كبرنا شويه

بس زى ما احنا

بروحنا

بإحساسنا

تفتكرو اصلا فاكرانى ؟

اكيد مينفعش تنسانى ..

فضلنا صحاب 5 سنين

اعدادى

وثانوى

مات باباها

وإحنا فى تالته ثانوى

جالها عريس

مامتها جوّزتها

وقعّدتها من المدرسه

رحت فرحها

انا فاكره نظرتها

كانت بتقولى انا اسفه

مش هفضل معاكى

ملامحها كبرت فجأه

بس عينيها كانت زى ماهى

عينيها اللى ياما عيطت

لما كنا بنتخانق

خناقات عبيطه

الحقينى يا ماما

جهاد شتمتنى

ومامتها تتصل وتصالحنا على بعض

مذاكرتنا سوا

نومنا فى الفصل على التخته

حبنا لحصه الرسم

مشاغبتنا مع المدرسين

كتابتنا الأغانى فى الكراسات

بدل الدروس

حكاياتنا اللى مكنتش بتخلص أبدا

الناس اللى كانو دايما يقولولنا

هو انتو اخوات ؟

طيب قرايب ؟؟

كنا نضحك ومنريحهمش

بس ساعتها خلاص

كان ده أمر واقع انها مش هتكون موجوده

فضلت وقتها أعيط كتير

مش فاكره قد ايه بالظبط

كل اللى فاكراه

عينيها وهى بتقولى

إوعى تنسينى

جهـــــاد

نفسى اقابلها صدفه

تفتكرو هتعرفنى

متقابلناش من 11 سنه

بس اكيد شكلنا متغيرش

يمكن كبرنا شويه

بس زى ما احنا

بروحنا

بإحساسنا

تفتكرو اصلا فاكرانى ؟

اكيد مينفعش تنسانى ..

فضلنا صحاب 5 سنين

اعدادى

وثانوى

مات باباها

وإحنا فى تالته ثانوى

جالها عريس

مامتها جوّزتها

وقعّدتها من المدرسه

رحت فرحها

انا فاكره نظرتها

كانت بتقولى انا اسفه

مش هفضل معاكى

ملامحها كبرت فجأه

بس عينيها كانت زى ماهى

عينيها اللى ياما عيطت

لما كنا بنتخانق

خناقات عبيطه

الحقينى يا ماما

جهاد شتمتنى

ومامتها تتصل وتصالحنا على بعض

مذاكرتنا سوا

نومنا فى الفصل على التخته

حبنا لحصه الرسم

مشاغبتنا مع المدرسين

كتابتنا الأغانى فى الكراسات

بدل الدروس

حكاياتنا اللى مكنتش بتخلص أبدا

الناس اللى كانو دايما يقولولنا

هو انتو اخوات ؟

طيب قرايب ؟؟

كنا نضحك ومنريحهمش

بس ساعتها خلاص

كان ده أمر واقع انها مش هتكون موجوده

فضلت وقتها أعيط كتير

مش فاكره قد ايه بالظبط

كل اللى فاكراه

عينيها وهى بتقولى

إوعى تنسينى